Dale Sko vil ikkje gi opp - har stor tru på designsko

Dagleg leiar Stein Grov Eilertsen seier til Firda at Dale sko har ein ordrereserve og forventa sal på seks millionar kroner.

– Det har kosta oss mykje å utvikle dei nye kolleksjonane og vi er no i ein hektisk salsperiode. Det er no inntektene kjem, seier han til avisa.

• Les meir om skofabrikken i Fylkesleksikonet

I dokumentarserien "Jobben er livet" denne veka, kunne ein sjå kor vanskeleg tilværet er blitt for den vesle skofabrikken etter at dei mista storkontrakten på uniformsko til Forsvaret i fjor.

Eilertsen stadfestar at verksemda har ubetalt moms, men seier samstundes at Skatt Vest som krev konkursen ikkje godtok nedbetalingsplanen Dal sko fremja.

• LES OGSÅ: Krev Dale sko konkurs
• LES OGSÅ: Dale Sko flaggar ut frå Fjaler

Den daglege leiaren vil ikkje ut med kor stort kravet er, eller når det skulle vore betalt.

– Men blir det konkurs, så går vi i alle fall ned med flagget til topps, seier han.

• LES OGSÅ: Skofabrikken kan bli lagt ned
• LES OGSÅ: Seier opp 12 av 15 tilsette