Cecilia Brækhus vil i ny tittelkamp
Boksedronninga Cecilia Brækhus (42) avslører overfor Nettavisen at ho truleg skal møte slovenske Ema Kozin (26) til kamp om WBC-beltet i super weltervekt.
Brækhus møtte i fjor Terri Harper i VM-kampen i WBO, der det enda uavgjort. Sidan då har Harper gått ned ei vektklasse.
Brækhus stadfestar at Kozin er neste motstandar om slovenaren vel å stille opp. Ho må gjere det for ikkje å miste beltet automatisk.
– Eg ventar på dato og kor kampen skal gå, seier Brækhus.
Brækhus var utan tap i weltervekt heilt til ho tapte to gongar for Jessica McCaskill i 2020 og 2021. Av 39 kampar har 28 stått om VM-titlar.
I weltervekt heldt ho tittelbelta i WBA, WBC, WBO, WPB og IBF.
