– Det var kraftig røykutvikling, men ingen er skadd. Vi er glade for at det har gått bra med alle saman.
Det seier innsatsleiar Ole Marius Røttingen i Vest politidistrikt.
Bebuarar varsla politiet klokka 17.40, då røykvarslaren slo inn.
– Dei merka svilukt inne i bygningen, seier operasjonsleiar Jørgen Ommedal i Vest politidistrikt.
Brannvesenet starta med sløkking i kjellaren, der det var observert flammar og røyk. Det vart i starten også observert mykje røyk på utsida av blokka.
Omlag klokka 18.15 melde brannvesenet at dei hadde fått kontroll på brannen.
Politiet starta straks evakulering av blokka, og jobba med å gjere greie for dei som bur der.
Klokka 18.40 fortel Røttingen at bygget er gjennomsøkt. Det er ikkje nokon bebuarar inne i bygget.
Tre personar er registrert som bebuarar.
Politiet har kontroll på to av dei. Den tredje bebuaren har dei ikkje fått kontakt med.
– Men vi er ikkje bekymra for om vedkommande er inne i huset, seier Røttingen.
Det skal ha brent i fleire boder i kjellaren, men brannårsaka er ikkje klarlagt.
Klokka 20 melder politiet at alle tre bebuarane no er gjort greie for. Dei har fått tilbod om alternativ bustad inntil vidare.