13 baklengs på dei fire siste seriekampane. Det er fasiten for eit vaklande Brann-forsvar etter 4-3-tapet mot Start i går.
Keeper Håkon Opdal tok tapet mot Start svært tungt etter fire nye baklengsmål mot Start i går.
–Eg er eigentleg heilt oppgitt og det er heilt frykteleg seier Opdal.
Får ikkje hjelp
På dei fire siste kampane har han måtte plukka 13 ballar ut av eige mål. Brann-keeperen meiner han får for lite hjelp av dei framfor seg på bana.
– Når dei nærmar seg mål, så skal motstandarane helst vera under press. Og det går litt igjen at dei ikkje er det, seier keeperen.
Må ta utfordringa
I går skåra Start på dei fire første målsjansane sine. Men Steinar Nilsen har få svar på kvifor Brann-forsvaret lek som ein sil. Han har berre to dagar på å finna grunnen. Allereie onsdag møter Brann Rosenborg på Lerkendal.
– Dersom ein ser på fire av kampane våre i år, så er det vel litt symptomatisk akkurat det at mostandaren treng veldig få sjansar for å skåre, seier Nilsen.
– Me har to ting me kan gjere. Det eine er å grave seg ned, og det andre er å ta det her som ei stor utfordring, seier han.
Og Keeper Opdal vel det siste.
– Me har jo ikkje så god tid me kamp på onsdag, så me må riste det av oss og sjå framover, seier han.