– Ei flaske med acetylen har starta å brenne om bord i ein av lekterane som driv med mudring i Rotavågen. Sjøfarande må halde seg godt unna, sa vaktleiar ved alarmsentralen, Kolbjørn Øvrebotten, til NRK.
Han presiserer at sjøtrafikken blei styrt utanfor den vanlege skipsleia, men sidan det var eksplosjonsfare, så måtte dei ha ei tryggingsssone.
Operasjonsleiar ved Sogn og Fjordane politidistrikt, Inge Verøy, åtvara om å nærme seg brannstaden.
– Vi ønskjer ikkje masse båtar i det området, sa Verøy.
Klokka 20.50 melder politiet at brannen er under kontroll, og at tryggingssona rundt Rota og Rotasundet er oppheva.
Ifølgje Firdaposten brann flaska med ein flamme på om lag 10 centimeter.
