Bø-gutane på 8. og 19. plass

Begge stryningane stilte til start i dagens verdscuprenn i OL-byen, men ingen av dei greidde å hevde seg heilt i toppen.

Johannes Thingnes Bø fekk sin debut i verdscupen i Holmenkollen sist helg, og etter ein 28. plass på sprinten og 25. plass på jaktstarten fekk vere med vidare til Russland. I dagens sprintkonkurranse viste han kva han var god for.

• LES OGSÅ: Veslebror Bø får sin debut i Kollen
• LES OGSÅ: Thingnes Bø går verdscup

Med feilfri skyting gjekk han til slutt inn til ein 19. plass, 1.30.2 bak vinnaren. Ingen kunne gjere noko med suverene Martin Fourcade.

Franskmannen skaut feilfritt og gjekk raskt i sporet, faktisk var det heile 42 sekund ned til andreplassen.

Norske Henrik L'Abée-Lund fekk si første pallplassering i verdscupen med tredjeplassen i dag.

• LES OGSÅ: Endelig pallplass: – Det føles helt fantastisk!

Storebror Bø, Tarjei Bø, bomma ein gong på ståande skyting. Han gjekk i mål til ein 8. plass, 1.05.5 bak den franske vinnaren.

NRK sin ekspertkommentator Halvard Hanevold meiner 19.-plassen til Johannes Thingnes Bø var ein sterk prestasjon.

– Han har mykje å gå på. Det blir sagt at han ligg før Tarjei i forhold til alder, sa Hanevold

• LES OGSÅ: Tarjei slo Fourcade med 0,1 sekund
• LES OGSÅ: Best av dei norske med 15. plass