- Om det er knott folk assosierer staden med har vi eit problem, seier prosjektleiar for tusenårsstaden i Gulatinget, Anne Karin Misje.
- LES OGSÅ:
Stempla som knotteldorado
Ho er lei av at den gamle tingstaden i Gulen blir stempla som eit eldorado for knotten. Men at det skal vere ekstra mange blodsugande skapningar på tusenårsstaden, det har mange høyrt om.
Folk på gata kjenner godt til at knotten herjar på staden, og fleire fortel om at dei har hatt opplevingar der knotten har teke overtaket.
Misje set svært liten pris på at folk tenkjer på knott i same tanke som staden.
- LES OGSÅ:
Mindre knott enn før
- For det er mykje mindre knott der no enn tidlegare.
- Er du sikker på det?
- Ja, eg er der ganske ofte så det trur eg at eg kan garantere, seier Misje.
I 2004 vart det bestemt at dei skulle ta opp kampen mot den vesle svarte skapningen. Ein svensk myggforskar vart hyra inn for å sjå på forholda, og prisen han skulle ha for fellene, 700 tusen kroner, må rett og slett kallast ein blodpris.
Dei tolv knottfellene som til slutt vart kjøpte inn frå ein lokal forhandlar Hyllestad og kosta mellom 6 og 12 tusen kroner. Men Misje er like glad for at reklame for knottfeller og Gulatinget går hand i hand.
- LES OGSÅ:
Ein million for å fjerne dyret
- Knotten likar å leggje egg i våt mark. Så vi må kvitte oss med vatnet. Då vil det ikkje vere like attraktivt for den å leggje egg der heller.
Prosjektleiaren håpar at folk etter kvart skal slutte å bekymre seg for knotten på tusenårsstaden.
Ikkje minst fordi kommunen, med god hjelp av spelemidlar og nærinsstøtte har invistert i underkant av 1 million kroner for å fjerne myr og vatn, fylt på med tonnevis av kalk og laga flotte plenar der det før var våt mark. Altså buforhold som knotten ikkje set like stor pris på.
- LES OGSÅ:
- Det er ein kulturstad
- Eg vil at folk skal tenkje på kulturaktivitetar når dei tenkjer på Gulatinget. Det er målet. Og då må vi leggje til rette for at det skjer, seier prosjektleiaren.
- Kva er ditt forhold til knott sjølv?
- Eg likar den ikkje. Det gjer eg ikkje, det kan eg seie.
- LES OGSÅ:
Tidleg vår er beste tida
Men det store spørsmålet er jo kvifor mellomaldermennene la tinget sitt til denne staden der det er så mykje knott.
- Ja, det lurte eg også på, seier insektsforskar Reidar Mehl.
Og han trur han har funne svaret.
- Tinget vart halde tidleg på våren før knottsesongen sette u gong. Kanskje dei visste at det var lite knottplager på den tida av året, undrar Mehl.