Det siste året har vore prega av omorganisering og indre uro i politirekkjene i Sogn og Fjordane.
No syner statistikken at det trass alt går betre for lova si lange arm her i fylket. Stadig fleire saker finn si løysing.
Fleire narkosaker
– Me har ein høg oppklaringsprosent, faktisk høgare enn i fjor. Den er faktisk 15 prosent bedre enn snittet på landsbasis, seier politimeister Johan Brekke til NRK.
Han peikar og på at politidistriktet har ei sakshandsamingstid som er vesentleg betre enn i fjor, og at dei har vore flinkare på vegane.
– Vi har og avdekka fleire narkosaker, og valden har gått ned. Så samla sett så er det faktisk veldig bra, konkluderer Brekke.
- LES OGSÅ:
Lite kriminalitet
I følgje halvårsrapporten til politiet var talet på narkokrim i Sogn og Fjordane det lågaste på 11 år.
– Kriminaliteten samla sett er svært låg i Sogn og Fjordane politidistrikt. Det er ein trygg plass å bu og leva, meiner politimeisteren.
- LES OGSÅ: |
Han forklarar årsaka til dei gode resultata mellom anna med flinke tilsette som gjer mykje godt politiarbeid og god dialog med publikum.