– Det er berre å vedgå, det er ikkje nok politifolk i Sogn og Fjordane. Eg har langt færre politifolk enn det eg har behov for, og vi klarar ikkje å få til optimale løysingar, seier politimeister Johan Brekke til NRK.no.
Huseigaren i Florø fekk ein brå start på dagen då han oppdaga at ein innbrotstjuv var i ferd med å forsyne seg i huset hans.
Då tjuven stakk av for huseigar etter, og snart var fleire andre med i jakta som gjekk frå hage til hage.
I over ein time måtte privatpersonar halde innbrotstjuven i sjakk. For politiet hadde ingen patrulje i kystbyen. Den einaste patruljen som var på vakt i Sunnfjord måtte rykkje ut frå Førde, nesten seks mil unna.
- LES OGSÅ:
Braut seg inn i hus der folk sov
Eric Hauge og Ørjan Sundal arbeidde i hagen til Sundal då dei oppdaga huseigaren som kom springande med ein spade i handa.
– Vi for etter for å finne ut kva som stod på, og då fekk vi vete at han hadde gjort innbrot i eit hus der det låg folk å sov, seier Hauge.
Arbeidet på den nye tomta i Havreneset i Florø tok dermed ei brå vending.
– Han for overalt, inn i hagar og over tomter. Så stal han ein sykkel for å prøve å stikke seg vekk. Vi var fem stykk som sprang etter han og vi måtte dele oss opp fleire gonger for å få tak i han, fortel Hauge til NRK.no.
- LES OGSÅ: –
Tjuven kasta stein og slo med kjepp
Tjuvjakta som varte i over ein halvtime i byggjefeltet med fleire barnefamiliar var ei skremmande oppleving.
Den rusa mannen kasta stein og prøvde å slå dei med kjeppar, før dei omsider fekk overmanna mannen.
– Han var veldig trugande, men til slutt klarte vi å få han i bakken. Vi heldt han fast og stripsa han, seier Hauge.
- LES OGSÅ:
(Artikkelen held fram under biletet)
– Slik skal det ikkje vere
Politiet vart raskt varsla, men trass i at Sogn og Fjordane politidistrikt har hovudsete i nettopp Florø, var det ingen patruljar i byen. Den einaste på vakt i Sunnfjord og Ytre Sogn, måtte komme frå Førde.
Eric Hauge tykkjer det er ekkelt å få slike situasjonar så tett på.
– Eg synst det er dumt at vanlege folk må gripe inn fordi det ikkje er politifolk i byen. Han hadde sloppe unna dersom vi ikkje hadde sprunge etter, og det er gale, seier Hauge.
Kameratgjengen i Florø er skuffa over at politiet ikkje kom raskt til staden, og at dei må lova i eigne hender.
– Kva om det skjer ei bilulukke eller nokon vert stukken med kniv? Uansett bør politiet vere i nærleiken, seier kameratane.
(Artikkelen held fram under biletet)
– Vi har for få politifolk i fylket
For berre nokre veker sidan opplevde ein huseigar i Måløy ein liknande situasjon. Ein innbrotstjuv var i ferd med å bryte seg inn med øks, men politiet hadde ikkje patrulje som kunne rykkje ut.
- LES OGSÅ: –
Dette er dessverre kvardagen vår, seier politimeister Johan Brekke.
Medan politiet har som mål å ha 2 politibetjentar per 1000 innbyggjar innan år 2020, har Brekke i dag berre 1,1.
– Politidekninga er altfor låg, ja, seier Brekke til NRK.no.
Liknande situasjonar kan skje igjen
Dermed kan folk ikkje alltid vente at politiet kjem raskt til staden, i alle fall om det ikkje står om liv og helse.
– Slik det er no er det situasjonen. Med den nye organiseringa har vi eit felles vaktoppsett for dei 11 kommunane i Stor-Sunnfjord. Det kan bety at patruljen som er på vakt ikkje er akkurat der det er behov for det, seier Brekke.
– Det at privatpersonar held fast ein mistenkt gjerningsperson, er det å anbefale?
– Sjølv om folk har lov å gjere dette, så er dette noko ein må vere forsiktig med. Det er vanskeleg å vite om vedkommande er væpna eller farleg. Så folk bør ta kontakt med politiet og be om råd, seier Brekke.
- LES OGSÅ:
- LES OGSÅ: –
Dette er flaut
Ørjan Sundal som var ein av dei fem som fekk fanga innbrotstjuven i Florø laurdag hadde venta seg hjelp mykje raskare.
– Det skjer gong på gong at politiet ikkje har ressursar til å kome. Det er flaut, vi har politiet for at dei skal vere der då vi treng dei, seier Sundal.