Talet på innstilte persontog på Bergensbana har auka det siste året, og frå januar til november i år var berre 70 prosent i rute. Det er ein nedgang frå i fjor, då 79 prosent var i rute.
Utviklinga har dermed gått i feil retning og er eit godt stykke unna Jernbaneverket sitt mål om ei punktlegheit på minst 90 prosent.
– Me har for mykje signalfeil
– Me fekk kraftig auke av vedlikehaldsmidlar frå og med 2009, og me satsar på at det vil me kunna få i framtida også. Då skal det gradvis bli betre, seier informasjonssjef Inge Hjertaas i Jernbaneverket.
Inge Hjertaas er informasjonssjef i Jernbaneverket.
Foto: NRKDet er ikkje berre uvêr og ras som skaper problem på Bergensbana. Enkelthendingar som , og Jernbaneverket sine eigne installasjonar har også skapt forseinkingar.
– Det som bekymrar oss mest er at me framleis har for mykje signalfeil, og det har faktisk auka. Me må gjera ein endå større innsats for å finna årsakene til dette her, seier Hjertaas.
LES OGSÅ:
Liker ikkje utviklinga
Det er NSB som køyrer toga, og selskapet er ikkje nøgd med utviklinga.
– 2011 har for eit utfordrande år for oss, og me er ikkje nøgde med dessa tala, seier sals- og marknadsansvarleg Henning Lirhus i NSB.
Han innrømmer at NSB må ta på seg litt av ansvaret.
– Vårt hovudfokus er å sørgja for at togmaterialet vårt er i god stand til å kunna køyra over høgfjellsstrekninga. Me har i tillegg sterkt fokus på opphald på stasjonar undervegs, seier Lirhus.