Framleis klubblaus - trenar med 2. divisjonslag

– Dette gjer eg for å halde meg i form, og då er det å spela kamp ei fin avveksling, seier Azar Karadas til BA.

31-åringen vert med i ein omgang når Nest-Sotra møter Åsane fredag kveld. 2. divisjonslaget vert trena av hans tidlegare klubbkamerat i Brann, David Nielsen.

Kontrakten hans med Sogndal gjekk ut etter førre sesong, og klubben frå saftbygda ønskte ikkje å fornya for 2013-sesongen.

• LES OGSÅ: Sogndal fornyar ikkje med Karadas

Takka nei til Tyrkia

Før det internasjonale overgangsvindauga stengde, var kraftpluggen ønska av to tyrkiske klubbar.

– Eg takka nei til begge. Det var ikkje det rette for verken meg eller familien, forklarar eidaren.

• LES OGSÅ: Fleire jaktar Karadas

Her heime har Hønefoss vore interessert. At han takkar nei til to utanlandske klubbar kan tyda på at det er i Norge han ønskjer å vera.

– Ambisjonane er framleis å spele fotball på eit høgt nivå, avsluttar Karadas til BA.