Grev Wedels Plass Auksjonar i Oslo fekk ikkje inn eitt einaste bod på Nikolai Astrup-verket "Fra prestegården i Jølster".
LES MEIR OM:
Måne til 250.000 kroner
Verket, eit olje på lerret, var verdsett til 1,5-2 millionar kroner, men var altså mellom 21 verk som ikkje skifta eigar under første del av jubileumsauksjonen tysdag kveld.
Skifta eigar gjorde derimot "Maimåne" som var verdsett til 170.000-200.000 kroner. Fargesnittet med handkolorering på papir, gjekk for 250.000 kroner.
Fleire for sal
I alt 70 verk av dei mest kjende kunstnarane frå 1800- og 1900-talet gjekk på auksjonen under hammaren.
Når del to av auksjonen går av stabelen 6. desember, står fargetresnittet "Fiskeren" av Nikolai Astrup for tur. Verket er verdsett til 30.000-40.000 kroner.
Eikaas for sal
I same auksjonen skal også fire verk av ein annan Jølster-kunstnar, Ludvig Eikaas, under hammaren.
LES MEIR OM:
Desse er xylografiet "Mannshode" og tre serigrafi med tittelen "Komposisjon". Samtlege verk er verdsett til 3.000-5.000 kroner. I alt 71 verk blir lagt ut for sal i denne auksjonen.