Dette er ein av grunnane til at konserten gjekk med 1,8 millionar kroner i underskot.
Tidsnaud var årsaka
Peer Osmundsvaag i bookingbyrået Atomic Agency fortel at tidsnaud var årsaka til at det måtte leigast inn privatfly.
- Gruppa skulle ha ein konsert tidleg neste dag i Nederland, og hadde konsert ganske seint dagen før i England.
Eit mysterium for folk
Innbyggjarane i Vågsøy lurer på korleis det går an at Tall Ships Races kunne gå 13 millionar kroner i minus, det største minusresultat nokon gong i Tall Ships-samanheng.
Dei lurer også på korleis det går an at konserten med Status Quo kunne få eit underskot på 1,8 millionar kroner. Men innleige av privatfly og helikopter til å frakte rockegruppa viser, synest å vere klart medverkande til minusresultatet.
Helikopter frå Vigra
Tidsnaud var også årsaka til at gruppa måtte fraktast til og frå Vigra til Måløy med helikopter, hevdar Osmundsvaag.
- Det måtte til for at dei som skulle rigge til konserten skulle kome fram i tide.
- No gjekk konserten med 1,8 millionar kroner i minus. Kva er årsaka til det, trur du?
- Det veit eg rett og slett ikkje, eg må sjå på rekneskapen først for å forstå det.
Hjelle vil ikkje kommentere
NRK har dei siste dagane, seinast tysdag, prøvd å få prosjektleiaren for Tall Ships Races i Måløy, Helge Hjelle, i tale om underskotet på 13 millionar kroner.
- Dette vil eg ikkje snakke om, var den knappe kommentaren han gav, før han la på røyret.