Den 22. september opna Kvivsvegen mellom Grodås i Nordfjord og Kalvatn i Volda. Vegen betyr ein heilt ny kommunikasjonsmessig kvardag for folk i området, og fleire meinte dette også ville få store konsekvensar for flytrafikken.
Kjetil Årøen, som er Avinor sin ansvarlege ved flyplassen mellom Ørsta og Volda, sa til NRK i august at dei ville få mange passasjerar som før har reist frå Sandane.
- LES OGSÅ:
- LES OGSÅ:
Widerøe sine eigne trafikktal for oktober månad syner at det ikkje har blitt den store passasjerflukta frå flyplassen på Anda, skriv avisa Firda i dag. Sandane lufthamn hadde i oktober 3514 passasjerar som reiste til og frå.
Dette er 38 færre enn oktober månad i 2011, men skuldast truleg to dagar der flygingane var kansellerte på grunn av skodde. I tillegg er det i år ein avgang mindre på laurdagar, skriv avisa.
Lufthamnsjef ved Sandane lufthamn, Jon Granheim, seier til avisa at han er godt nøgd med passasjertala for oktober.
– Det er vanskeleg å seie noko sikkert etter så kort tid. Men ein månad etter Kvivsveg-opninga ser vi ingen utslag. Trenden er at folk reiser meir med fly, og dette er positivt for oss.
Men samtidig hadde Ørsta/Volda lufthamn i oktober hadde ein auke på 22 prosent i høve til same månad i fjor.
Lufthamnsjefen ved Anda seier altså at han ikkje merkar noko utslag etter vegopninga, men på Ørsta/Volda lufthamn er inntrykket eit litt anna. Jarle Velle som er sal- og servicemedarbeidar seier dette til avisa Firda.
– Det verkar som det er litt støre innslag av nordfjordingar jamt over alle flygingar. Vi høyrer litt meir nordfjorddialekt blant passasjerane. Men vi opplever ikkje nokon Eikesundsamband-eksplosjon. Det interessante blir å sjå utviklinga over tid.
- LES OGSÅ: