– På tide å realisere vedtaket

Ho meiner alt ligg til rette for realisering av ei jordmorstyrt fødestove. Det er opp til Helse Førde og kommunane, for fagfolka er klare til innsats, hevdar sjukehusaksjonisten.

– Slik som eg har forstått det, har det i jordmormiljøet i Indre Sogn pågått mobilisering og godt arbeid slik at ein kan bemanne ei jordmorstyrt fødestove, seier Øien Hauge.

• LES OGSÅ: Helse Førde kan ikkje ta rekninga for fødetilbod i Eid og Lærdal
• LES OGSÅ: Vil ha fødestove i Måløy

Fleire nabokommunar er skeptiske

Mykje ligg no i hendene til kommunane i Indre Sogn. Lærdal kommune har fridd til dei andre kommunane for å få til eit fødestove-samarbeid, men det er langt frå sikkert at ekteskapet går i boks.

Etter det NRK kjenner til, er fleire nabokommunar skeptiske. Mellom anna på om det er mogleg å rekruttere tilstrekkeleg med fagfolk.

– Det er langt betre å ha ei jordmorstyrt fødestove i Lærdal enn å ikkje ha eit fødetilbod. Det er fordi det er rundt 300 fødslar i året i denne regionen. Ein del av desse kvinnene vil ikkje rekke fram til Voss eller Førde. Det er difor veldig viktig at det finst eit fagmiljø, seier Øien Hauge.

• LES OGSÅ: Dei oppfattar regjeringsvedtak på to vidt forskjellige måtar

Vil lyse ut stillingane

Styreleiar i Helse Førde, Clara Øberg, lovar at helseforetaket vil gjera det dei kan for å oppfylla regjeringa sitt vedtak.

– Eg trur vi skal lyse ut stillingane og sjå om det er lokale søkjarar til stillingane og sjå om kommunane vil. Vi skal ha eit fødetilbod i Lærdal dersom kommunane vil, seier Øberg.

• LES OGSÅ: Overjordmor nektar å jobbe ved fødestove etter omlegging
• LES OGSÅ: Seks fødslar i Lærdal i mars