– Mindreårige skyt fyrverkeri mot folkemengder

Det byrjar å dra seg til med folk i sentrumsgatene i Bergen. På Torgallmenningen har fleire mindreårige skote opp fyrverkeri. I tillegg er det enkelte som har skote mot folkemengder. I sentrum av byen er det totalforbod mot bruk av fyrverkeri. – Det er primært unge som skyt uvettig mot andre, og det er tilløp til knuffing og bråk. Så langt ikkje meldt om skade. Politiet har inndratt fyrverkeri og tatt kontakt med nokre foreldre, seier operasjonsleiar Knut Dahl Michelsen.