Seks personar er sikta for å ha frakta mindreårige born fra Romania til Bergen og andre stader i Norge for å stele og tigge.
Fem av desse vert i dag framstilt for vidare varetektsfengsling.
– Det var ei sak som starta i oktober då to rumenske jenter på 15 og 17 år vart pågrepe for eit tjuveri, seier Rudolf Christoffersen, politiadvokat i Hordaland politidistrikt.
LES ÒG:
Ut frå dette fatta politiet mistanke om at dei to jentene ikkje hadde kome til Norge frivillig, og at det var andre, vaksne personar som stod bak.
Pågreip fleire
I løpet av dei to neste dagane vart fire personar pågripne. Politiet har samarbeidd med svenske og rumenske styresmakter i etterforskinga av saka.
– Det går mellom anna på å kartleggje deirar identitet. Eit av borna har to identitetskort, seier han.
LES ÒG:
I dag skal fem av dei seks sikta stille på fengslingsmøte. Den sjette skal i fengslingsmøte i januar og ein sjuande person er etterlyst over heile Europa.
Nektar straffskuld
I alt er fem born tekne hand om av barnevernet i Norge og ein av svensk barnevern. Ingen av dei seks sikta erkjenner straffskuld. Mellom dei klienten til forsvarsadvokat Amund Bjørnsen.
– Ho seier ho kom til Norge som ein del av ei vanleg reise i regi av romfolket kor dei skulle delta på festivalar her i landet, fortel Bjørnsen.
Må haldast
Men Christoffersen meiner like vel dei sikta må haldast i varetekt. Ein kan ikkje utelukke at fleire både born og vaksne er involverte i saka.
– Påtalemakta meiner det framleis er grunnlag for å halde desse i varetekt. Etter det me kan sjå er det ei omfattande sak med mange involverte. Det er usikkert kor mange born som kan ha vore utnytta i saka, så under etterforskinga må dei sikta framleis sitje i varetekt så me får kartlagt omfanget og etterforska saka på ein riktig måte.
|