- Vi er nøgde med at Statsbudsjettet rommar startløyvingar til desse anlegga. Sjølvsagt kunne vi ønska oss endå høgre rammer for å få til meir rasjonell drift. Men vi tek budsjettframlegget til etterretning og vil innrette drifta der etter, seier vegsjef Lars Lefdal.
Desse løyvingan er gitt i Statsbudsjettet til vegprosjekt i Sogn og Fjordane:
Stamvegar:
* Startløyvingar til E-16 Voldum - Seltun i Lærdal på 40 millionar kroner. Anlegget får i tilegg 17 millionar kroner som er omdisponerte midlar frå Lærdalstunnelen.
Rasutsatte Teigen-Bogen får 20 mill. kr i startløyvingar.
* 20 millionar kroner til oppstart av E39 Teigen - Bogen i Høyanger. Bompengetilskot kjem i tillegg. Det gjer at Vegvesenet reknar med å lyse ut prosjektet etter nyttår.
* Startløyving til E39 Stigedalen på 25 millionar kroner.
* 25 millionar kroner til refusjon av bompenganlegget RV5 Sogndal - Lærdal.
Riksvegar utanom stamvegane:
* RV15 Almenning - Nygård får ei restløyving på 25, 2 millionar kroner neste år. I hovudsak er anlegget gjort ferdig i år for mellombels omdisponerte midlar.
* Anlegget RV5 Førde - Florø får si første løyving over Statsbudsjettet på 51 millionar kroner. Prosjektet har vore forskottert med midlar frå Sunnfjordtunnelen AS.
* RV 616 Kolset - Klubben får 58 millionar kroner. Dette er 14 millionar kroner mindre enn restkostnadane for fullføring av anlegget. Vegvesenet reknar likevel med at ein slik løyving gjev grunnlag for å opne anlegget hausten 2002.
Mindre investeringstiltak:
* 15, 3 millionar kroner til miljø- og trafikktryggingstiltak. Av dette går 5, 1 millionar kroner til gang- og sykkelveginvesteringar. 2, 6 millionar kroner går til mindre utbetringar. Trafikktryggingstiltak får 7 millionar kroner og kollektivtiltak 0, 4 millionar kroner, medan miljø- og servicetiltak må nøye seg med 0, 2 millionar kroner.
* 8, 3 millionar kroner til planlegging.
* 10, 2 millionar kroner til rassikring. I 2002 vil det bli arbeidd med fullføring av rassikring av RV5 Sogndal - Skei. RV13 Torsnes - Vetlefjorden.