Bergen brannvesen jobbar no med å ringa inn dieselflaket med lensar. 110 Vest skriv på Twitter at ein må rekna med lukt i området.
– Det har vore ei overfylling på ei fregatt på cirka 2500 liter diesel. Det har gått i sjøen utanfor Haakonsvern. Me har sendt ut Laksevåg stasjon for å hjelpa Forsvaret, seier vaktoperatør ved 110-sentralen, Sharooz Lahooti.
– Kjem til å sjå stort ut
Lahooti seier dette blir merkbart, på grunn av diesel legg seg oppå vatnet, og dannar ei sokalla «blueshine».
Blueshine er ein slags film som legg seg på vatnet etter utslepp av mellom anna drivstoff eller oljesøl.
– Dette kjem til å sjå stort ut. Det kjem til å fordufte med tida, avhengig av vêr og vind, seier Lahooti.
Kystverket er informert om hendinga.
