Politiet mistenkjer to 25 år gamle menn for køyring i påverka tilstand og narkotikabruk. Tilsette ved Shell-stasjonen på Bønes i Bergen slo alarm då ein av dei verka svært rusa i fire-tida i natt.
Mannen måtte sendast til Haukeland sjukehus og hadde truleg tatt ein overdose av GHB. Då politiet kom til staden fann dei òg narkotika i bilen.
Fem tekne for promillekøyring
I løpet av natta har til saman fem personar blitt tekne for promillekøyring.
Det er uvanleg at så mange blir tatt for promillekøyring i løpet av ei natt. Det opplyser operasjonsleiar Ole Geir Magnussen i Hordaland politidistrikt.
Mellom anna blei ein seksten år gammal gut stoppa på moped på Valestrandsfossen med promille.
I Byrkensøy køyrde to menn utfor vegen to gonger like etter kvarandre. Bilen blei totalvraka, men dei prøvde likevel å få den opp av grøfta ein tredje gong.