– Det er åtte fast tilsette på Mjømna, tre som jobbar frå Bergen, og so har med også ein del deltid. Til saman ligg me på rundt 20 årsverk i huset her på Mjømna, fortel Njål Wilberg, gründer i bedrifta Ask Adam.
– Byrjar å bli næring
– Omsetninga i huset dette året blir samla rundt 35 millionar, so det byrjar å bli næring av det, seier han.
Til saman sju verksemder held hus på den vesle øya Mjømna i Ytre Gulen. Det er basen for 20 årsverk på ei øy med om lag 60 innbyggjarar.
- LES OGSÅ:
– Det har gått fort og det har vore veldig kjekt. Det er nok dei mest produktive åra me kjem til å oppleva. Me har etablert oss her med familie, og me har vore med å starta opp det som byrjar å bli vesentleg næring i lokalsamfunnet.
– Hadde det ikkje vore lettare å driva verksemd i ein storby?
– I forhold til å diva næring er kanskje rammebetingelsane betre i Bergen, Oslo eller London, men for vår del var dette også eit verdival der me skulle vera med familien vår. Då fann me ut at me hadde lyst å prøve å bu på Mjømna, som me hadde eit veldig godt forhold til, og det har fungert veldig bra.
Godt samarbeid
Simen Wilberg er også ein av dei som har skaffa seg eit levebrød på øya, som ein av gründerane bak musikktenesta beat.no.
– Etter utdanninga såg me moglegheita for å flytta heim og gjera noko veldig spanande og motiverande, seier han.
- LES OGSÅ:
Han peikar på at sjølv om det er eit lite miljø, er det også ein av fordelane med å vera plassert på den vesle øya.
– Kulturen me har mellom selskapa er nesten ein av dei viktigaste faktorane me har for å oppnå suksess. Det at me sit i eit tett miljø der me kan dra nytte av kvarandre på kryss av selskapa, det er kjempeviktig, seier Simen Wilberg.