1000 unge på årets russefest

Laurdag arrangerte Florarussen ein stor fest i sentrum av byen. Arrangørane lokka med både internasjonale og nasjonale artistar som DJ-en og houseprodusenten Dave Darell, Jaa9&Onkl P, Gest som er dommar i årets Idol, Piddi fra Spetakkel, Kim frå Paradise Hotel og Jonas og Diego fra Bartenderskolen.

• LES OGSÅ: Russ til sjukehus etter slag
• LES OGSÅ: BOOBil er den kulaste russebilen

Eit populært innslag var rodeooksen som var leigd inn for kvelden.

– Dette blei ein flott kveld og det var god stemning, seier russepresident Nikolai Belsvik som var med på å arrangere festen.

Og russ frå heile fylket hadde teke turen til kystbyen laurdag kveld.

– Parkeringsplassen var full av russebilar og det var russ frå mellom anna Årdal, Sogndal, Dale, Sandane og Førde, fortel han.

• LES OGSÅ: Mange handlar om sex og fyll - likevel samlar born på russekort
• LES OGSÅ: – Jentene må ta ansvar og vere tydlege på at dei ikkje vil ha sex
• LES OGSÅ: Sex med ti gir knute i lua

Kim kom frå Paradise Hotel

Ein bonus for mange av jentene som hadde møtte fram, var Kim frå Paradise Hotel.

– Alle jentene tok heilt av då han kom. Han var med på å få opp stemninga. Kim, Jonas og Diego kåra mellom anna Mister og Miss Chichelacke 2011.

Politiet melder om lite bråk og trøbbel i samband med russearrangementet. Belsvik seier han heller ikkje opplevde nokre store ordensforstyrringa.

– Det gjekk roleg for seg og vi hadde bra med vakter, seier han.

Går i pluss

Festen var for både dei under og over 18 år og var ikkje berre for russen. Belsvik seier det var over 1000 betalande og reknar med at dei går i pluss.

– Noko av det skal gå til veldedige føremål. Restent skal vi bruke til ein russefest, ein slags avskjedsfest, seier han.