– Vi har akkurat fått melding om guten har dukka opp og er i god behald, seier operasjonsleiar ved Sogn og Fjordane politidistrikt, Kai Myklebust.
Politi og Røde Kors var alt på staden, og Norske Redningshundar var kalla ut. Men like før leiteaksjonen skulle starte, løyste det heile seg av seg sjølv.
Guten vart meld sakna like før klokka 18.00 då pårørande hadde leita etter guten ei stund.
– Slike meldingar tek vi på alvor. Heldigvis løyste dette seg på beste måte, seier Myklebust.
Denne helga er det Loendagane i den vesle bygda, og det er mykje folk samla.