NRK-profil til Norec

Tidlegare NRK-korrespondent Roger Sevrin Bruland blir ny kommunikasjonsleiar for Norsk senter for utvekslingssamarbeid (Norec) i Førde. 46-åringen har 15 år bak seg i NRK. Dei siste åra har han dekka både koronapandemien og krigen i Ukraina.

Bruland starta som praktikant ved Nynorsk mediesenter i Førde i 2008, før han jobba 11 år som utanriksarbeidar i NRK. Han fekk i 2022 Kulturdepartementet sin nynorskpris for journalistar.

Direktør i Norec, Jan Olav Baarøy, er svært nøgd med tilsetjinga. Det var 18 søkjarar til stillinga.

– Bruland kjem til ein kommunikasjonsseksjon med fire dyktige personar. Eg har tru på at dei saman vil bringe kommunikasjonsarbeidet i Norec til nye høgder. Bruland er handlekraftig og løysingsorientert, og eg ser fram til å få han i staben, seier han.