For ti dagar sidan la
om sjøkabelalternativet langs Hardangerfjorden.I dag var kommunar, nettselskap og frivillige organisasjonar inviterte til eit høyringsmøte med Terje Riis Johansen, der dei fortalde kva dei meiner om rapportane.
Ordførar i Ulvik, Mona Hellesnes (V), tolkar dei som støtte for den sterke motstanden mot den planlagde kraftlina.
- Me ber statsråden innstendig om å ta innover seg det me no har fått dokumentert gjennom desse rapportane, seier ho.
LES OGSÅ: - Bygg kraftlinje snarast
Fryktar råkøyring
Leiar i Noregs Naturvernforbund, Lars Haltbrekken, har ikkje tillit til at regjeringa lyttar til utvalsrapportane.
- Eg fryktar at dette er eit spel for galleriet, seier han.
Han meiner saka fram til no har vist at dei ikkje har grunn til å tru på Statnett eller Olje- og energidepartementet.
- I fjor sommar sa dei at det hasta å få på plass liner. Ekspertutvala seier det ikkje hastar. Når Olje- og energidepartementet seier at energieffektiviseringa og opprustninga av dagens nett ikkje vil løysa problema, så har ikkje me grunn til å stola på dei, seier Haltbrekken.
Han krev ei ny, uavhengig utgreiing.
- Me fryktar at Riis-Johansen vil køyra igjennom dette i ekspresstempo, seier han.
LES OGSÅ: - Bare et spill for galleriet
- Heilt reelt
Energiministeren fekk i dag servert det meste av argument i saka. Felles for innlegga var at alle tolka ekspertutvala til fordel for si sak. Riis-Johansen meiner møtet er viktig, men vedgår at han hadde hørt det meste før.
- Ein del av dette har blitt diskutert før. Nokre nyanser er det nok, men dei skal eg ta med meg inn og vurdera i ro og mak, seier han.
Og han vil ikkje gå med på at dette er eit spel for galleriet.
- Nei, det er heilt reelt. Det er litt ulike inngangar til kor alvorleg ein tar alvoret. For meg handlar det om å løysa desse spørsmåla medan det framleis er ein normal situasjon i Bergen, - ikkje etter at det er semje om at det er ein krisesituasjon, seier ministeren.
Skal gå raskt
Mange argumenterer no at det ikkje er behov for ei line gjennom Hardanger-landskapet. Men Riis-Johansen seier han i vår vil bestemme seg for sjøkabel eller master.
- Å utsette avgjersla er ikkje aktuelt. Dette skal gå raskt, men nokon dato har eg ikkje, seier han