- Uansett kor morosam resten av revyen hadde vore hadde det ikkje vore til nokon nytte, Det går ei grense, seier Atle Jarl Trettevik.
Lommemannen og Simon-saka
Russen har fått kritikk etter eit av innslaga i revyen.
Russen legg seg flate for kritikken eter nummeret om Simon og Lommemannen
- Det er slik med russerevyar at vi tek ting langt. Men vi beklagar om Hollevik kjenner seg krenka, seier revysjefen.
Jacob Nødseth
Foto: Brit Jorunn Svanes / NRKFlorørussen kopla det store engasjementet rundt asylsøkjaren Simon med lommemannsaka i russerevyen sin no på fredag.
Settingen i sketsjen var at Tore på sporet skulle hjelpa Simon med å finna far sin. Når faren så dukka opp i sketsjen, vart han framstilt som Kåre Leif Hollevik - leiaren i aksjonsgruppa for Simon i den verkelege verda.
Så langt var alt greitt, men i avslutninga av sketsjen vart det konkludert med Hollevik også var lommemannen.
Legg seg flate
I ettertid ser seier Marthe Fiskarbekk, revysjef for russerevyen i Florø at dei gjekk for langt.
- Vi gjekk for langt, og beklagar det. Vi ville flette saman to saker som hadde vore mykje omtala, Lommemannen-saka og Simon-saka. Difor vart det slik. Men det vi gjekk for langt, seier ho.
- Gjekk over streken
Lommemannen er tiltalt for svært mange overgrep mot små born over fleire tiår.
Jacob Nødseth såg sketsjen, og tykte florørussen gjekk over streken.
-Samanlinkninga er ganske drøy. Hollevik har fått fram det beste i Florøfolket. Påstanden i høve dette med Lommemannen er ganske drøy, seier han.
Kunne klart seg utan
Nødseth tykkjer russerevyar skal ha høg terskel, men meiner florørussen gjekk for langt ved å kopla ei så alvorleg sak som lommemannen med Simon-saka.
- Dei kunne klart seg utan dette nummeret.
Atle Jarl Trettevik fortel applausen i salen var usikker etter sketsjen, og meiner mange tek avstand frå framstillinga til florørussen.
-Eit poeng å «dra ting langt»
Kåre Leif Hollevik vil sjølv ikkje kommentera sketsjen.
Fiskarbekk beklagar om Hollevik føler seg krenkja, men påpeiker at det er russerevyens vesen å dra poenga langt.
Trettevik meiner russen i framtida bør skjerpe seg.
- Bør lære for framtida
- Dei bør innsjå at dette var dumt, og seinare generasjonar russ må teste ut sketsjane sine før dei held revy, seier han.
- Det er slik med russerevyar at vi tek ting langt. Men vi beklagar om Hollevik kjenner seg krenka, seier revysjefen.