- Ideen fekk eg då eg var student, og har arbeidd mykje med den sidan, seier Per Tveit, opphavleg frå Holmedal.
- Billeg bru
Brandangersundbrua er ei bogebru med kryssande hengestenger. Det vert den tredje brua i sitt slag i Norge, og den suverent største i sitt slag.
Les også:
Les også:
Les også:
- Du har desse kryssande hengestengene mellom boge og brubane, og det gjev lite bøying mellom boga og brubanen. Då kan ein spara halvparten av stålet i høve andre bruer, og det vert billigare, seier Tveit.
- Eg har høyrd at den må stemmast som eit instrument for ikkje å svaie?
- Nei, det er noko tull.
Etter opninga skulle turen gå over Brandangersundbrua til festlunsj for innbedne gjester på Skjerjehamn.
- Eg skal visst få lunsjen gratis, trur eg, seier Tveit.
- Knyt saman nesten ein heil kommune
Det heile starta klokka 11 torsdag, og fylkesordførar Nils R. Sandal opna brua. Henning Rivedal var konferansiér, og ein av talarane var gulenordførar Trude Brosvik.
- I dag flaggar ein nok på Byrknes, og innover i kommunen også. Det er glede og framtidstru på ein slik dag. Øyene i Gulen er nesten like store til saman som Solund kommune, så det er nesten ein kommune som vert knytt saman i dag, seier Brosvik.
Den nye brua gjev fastlandssamband til 700 personar. Brosvik ser også sitt snitt til å reklamera for busetjing på øyene i Gulen.
- Det er masse fine tomter og nydeleg flott der ute. Så no er det berre å busetja seg der, så kan ein jobba på Sløvåg, Mongstad eller kvar som helst, eigentleg.