Bakgrunnen for skuldingane mot Arbeidarpartiet sin ordførarkandidat i Vågsøy, er kritikken ho kom med om den SMS-baserte innsamlinga som sjukehusaksjonen har sett i gong.
«Ordførarkandidat i Vågsøy vil legge ned sjukehuset» skreiv Sjukehusaksjonen på sine nettsider på fredag.
- Det er både useriøst og ubehageleg å bli framstilt feil på denne måten, seier ordførarkandidat Kristin Maurstad (Ap) til NRK.no.
Var kritisk til pengeinnsamling
Sjukehusaksjonen i Nordfjord har varsla at dei
for å tvinge dei til å oppretthalde ortopeditilbodet ved Nordfjord sjukehus. Men det kostar pengar.Fleire personar regionen har i seinare tid motteke ein SMS frå Sjukehusaksjonen der dei blir oppmoda om å støtte opp om sjukehuskampen med å gje pengar. Maurstad som var ein av mottakarane oppfatta tekstmeldinga som ei oppmoding om å setje inn 3600 kroner.
På sin eigen Facebook-profil stempla ho dette som useriøst og stilte store spørsmål med framgangsmåten til aksjonsgruppa.
– Eg stiller spørsmål ved om folk faktisk er klar over kva pengane konkret skal gå til og eg reagerer på framgangsmåten, seier Maurstad.
- LES OGSÅ:
«Vil legge ned sjukehuset»
Det kritiske utspelet til ordførarkandidaten vart gjort kjent både på NRK radio og på NRK Sogn og Fjordane sin nettsider. Dette fekk styremedlem i Sjukehusaksjonen, Jan Eide til å sjå raudt.
På heimesida for aksjonen publiserte han følgjande melding.
– Dette er ikkje sant
Maurstad opplever skuldingane om at ho vil leggje ned lokalsjukehuset som både useriøse og ubehagelege.
- Det er slett ikkje sant. Det eg tok opp på fredag handla ikkje om dette i det heile teke, seier Maurstad og legg til:
- Dei har konkludert med noko utan grunnlag, og kvifor dei ønskjer å gjere det må dei sjølv svare for.
Sjukehusaksjonen beklager
Styremedlem i Sjukehusaksjonen, Jan Eide, vedgår at det kritiske utspelet gjorde han svært opprørt. Han meinte det Maurstad sa i intervjuet var i same tyding som at ho ville leggje ned sjukehuset.
- Eg opplevde at Maurstad gjekk ut og gav inntrykk av at alle som skal gje pengar til aksjonen må gje 3600 kroner, og då vart eg forbanna, seier Eide.
- LES OGSÅ:
Han held fast ved at det går tydeleg fram av tekstmeldinga at medlemskontingenten er 100 kroner. At Maurstad opplever framferda hans som useriøs har han følgjande kommentar til.
- Det er mogleg det er useriøst, eg har ikkje peiling på kva folk tenkjer. Men det vart gjort i forbanninga når ho kom med slike opplysningar.
- Du seier du fekk følelsen av at ho ville leggje ned, men er det då rett å skrive at ho vil leggje ned?
- Det er min feil, så eg kan berre beklage at det vart gjort. Men det er no retta opp.