Vil heidre Olav Bjaaland med statue

Tarjei Gjelstad ved Vest-Telemark museum seier det ville vere bra å få Olav Bjaaland på sokkel ved sida av statuen av Sondre Norheim.

– Olav Bjaaland var blant dei fem første som nådde Sørpolen, seier Gjelstad.

Polfararen og skihelten Olav Bjaaland var den første mannen på polpunktet i 1911. Etter ferda til Sørpolen starta han ein skifabrikk i heimebygda Morgedal.

Les også:

Viktig mann for Morgedal

Vest Telemark Museum ønskjer nå å få ein skulptur i bronse av Olav Bjaaland. Det er kunstnaren Håkon Anton Fagerås som står bak verket.

– Målet er å heidre Bjaaland på heimstaden, men også å få fram kunnskap om denne viktig personen i norsk skihistorie, seier Gjelstad.

Han meiner Olav Bjaaland er ein viktig mann for Morgedal og norsk skihistorie, og fortener å få ei statue.

Les også:

• 50 år siden Oslo-OL

(Artikkelen held fram under bilete)

Samlar inn pengar

Selskapet Kulturkonsept søker om pengar blant anna frå Kviteseid kommune, fylkeskommunen og private sponsorer.

Skulpturen er førebels rekna ut til å koste 600 000 kroner, og dei vil bli samla frå seks ulike aktørar.

Det vil bli ein kopi frå det nasjonale monumentet som står på Bygdøynes, og som blei oppført i 1911.

Og planen er å plassere skulpturen i Kviteseid sentrum, i dialog med skulpturen av Sondre Norheim, som var skilæraren til Olav Bjaaland.