Inger Marit opplevde frekt svindelforsøk

Inger Marit Osland logga seg inn på pc-en ein dag, og straks etter blei ho oppringt frå nokon som sa dei representerte Windows.

Dei ville hjelpe henne mot eit angrep på PC-en som dei såg skjedde der og då.

– Ein mann som snakka gebrokkent engelsk fortalde at han skulle hjelpe meg å bli kvitt eit virus som var på veg inn i maskina mi.

• Les også: Slik beskytter du deg mot nettbank-viruset
• Les også: – Banksikkerheten er fortsatt for dårlig

Ugler i mosen

– Mannen i telefonen sa dei kunne stanse viruset før det øydela heile maskina. Han bad meg trykke på nokre tastar.

Men Inger Marit blei uroleg. Mannen blei meir og meir aggressiv, og til slutt la ho på. Men dei heldt fram å ringe.

– Sonen min sa eg måtte ringe banken. Eg hadde ei veldig god samtale med ein i banken som roa meg ned, og sa det var lite truleg at dei hadde klara å gjennomføre noko. Dei rådde meg likevel til å vere på vakt.

• Les også: Innrømmer å ha svindlet bankkunder over hele Østlandet
• Les også: – Fortsetter så lenge de tjener penger på aktiviteten
• Les også: Frykter langt flere målretta nettbankangrep

Straffast sjeldan økonomisk

I Sparebank1 Telemark er dei godt kjent med problemet. Viseadministrerande banksjef Preben Prebensen seier at svindlarane er utruleg kreative, men bankane har fokus på problemet.

– Det blir gjort utruleg mange forsøk. Dei prøvar seg på mange ulike variantar av svindel. Den siste varianten vi nå har sett dukka opp i sommar, fortel Prebensen.

Og viss du ikkje har lagt koden og kortet i same lommeboka, eller på andre måtar vore uforsiktig, så skal du ikkje straffast økonomisk.

– Det kjem an på om du har utvist aktløyse. Stort sett dekker bankane tilfella når folk er utsette for svindel.

Inger Marit Osland klarer ikkje å slappe heilt av, for ho veit kor enkelt svindlarane braut seg inn i hennar pc.

Nettoperatøren legg no inn ein ekstra brannmur for henne, og Osland vurderer å melde saka til politiet.