Ei usunn elgstamme sammen med klimaeffekter kan føre til meir parasittar som flått og hjortelusflue - og dermed også til meir dyresjukdommar.
Det fryktar Lars Erik Gangsei hos Faun Naturforvaltning i Fyresdal, som meiner at stor elgtetthet er eit samfunnsproblem
Han vil skyte enda fleire elg, trass i at stamma er nesten halvert på ti år.
Hør Lars Erik Gangsei om:
Hør:
Høgare fare for sjukdom
- Elgstamma i Telemark må reduserast til det halve for å få balanse mellom matfatet og talet på elg, seier Gangsei.
Flått på hjortevilt - kanskje spesielt rådyr har lenge vore eit stort problem i Telemark, og flåtten brer seg innover i landet og heilt opp mot tregrensa, viser observasjonar nå i vår.
Hjortelusflua har kome inn til Norge frå Sverige og er ei plage for elgen i Østfold - men den er og påvist i Telemark.
Ikkje i tvil
Gangsei trur det er lurt å førebu seg på at problemet bare vil auke.
- Det er høgare fare for utbrudd av sjukdommar i elgbestand med høg tetthet, seier elgforvaltaren.
- Mange elg vert difor eit sjansespel i forhold til parasittar og sjukdom, konkluderer han.
Han er ikkje i tvil om at elgstamma må skytast ytterlegare ned, trass i at stamma er nesten halvert frå toppåret 1999.
