President Donald Trump starta presentasjonen med å fortelje korleis amerikanske politikarar har svikta folket. Men no lovar han å bygge opp att omdømmet til USA.
I løpet av sitt første år som president, har han blant anna auka forsvarsbudsjettet, trekt USA ut av Parisavtalen og nekta å godkjenne Iran-avtalen.
I talen sa han også at USA har lagt press på Nato:
– I eit forsøk på å styrke NATO-alliansen, har vi fått igjennom at dei andre medlemslanda skal betale meir. Dei kan ikkje vente at USA skal forsvare landa, om dei ikkje vil vere med å bidra sjølve.
- Les:
Vil auke respekten
Trump gjekk til val på at dei vilje setje «America first» i utanrikspolitikken. Presentasjonen måndag er eit svar på dette. Målet er ifølge presidenten å gjenopprette respekten for USA i utlandet og fornye den amerikanske sjølvtilliten på heimebane.
For å få til dette, vil Trump først og fremst sørge for trygge det amerikanske folket og den amerikanske levemåten ved å forsvare landegrensene.
– For første gong omfattar tryggingsstrategien også eit forsvar av eigne grenser.
- Les:
- Les:
Trump seier dei vil styrke grensekontrollen og endre immigrasjonssystemet slik at det vernar om landegrensene og den amerikanske suvereniteten.
– Ein nasjon utan grenser, er ingen nasjon.
Han peikar på islamistiske terroristar og cyberåtak som to av dei største trugsmåla mot USA i dag.
Styrking av økonomien
Som ein del av den nye tryggingspolitikken, vil Trump også sørge for økomisk vekst i USA. Han meiner ein god økonomi er avgjerande dersom ein skal kunne bygge opp att det amerikanske sjølvkjensla.
– Vi skal fornye den amerikanske økonomien til fordel for amerikanske arbeidstakarar og selskap, som er naudsynt for å gjenopprette vår nasjonale makt.
- Les:
For å lukkast i det geopolitiske konkurransen, seier Trump at USA må vere i førarsetet når det gjeld forsking, teknologi og innovasjon.
Skape fred gjennom styrke
Trump seier dei skal bruke alle verktøya dei har til rådigheit for å verne om dei amerikanske interessene. Dette omfattar både diplomati, informasjon, militær makt og økonomi.
– Vi må ha ei fullstendig modernisering av forsvaret vårt, og reversere tidlegare vedtak om å redusere styrkane våre. Ein bieffekt av dette er at vi også skaper arbeidsplassar.
Trump seier også at dei skal sikre seg at maktbalansen i Søraust-Asia, Europa og Midtausten går i favør av USA.
Auka amerikansk innverknad
I valkampen i fjor snakka Donald Trump om å gjere USA stort igjen. Og det er også det siste punktet i den nye tryggingsstrategien. Gjennom internasjonale avtalar vil Trump auke den amerikanske innverknaden på verda.
– Vi vil ha sterke alliansar og partnarskap basert på samarbeid. Vi vil inngå nye partnarskap med dei som deler måla våre.
- Les:
Trump seier at slike avtalar kan auke frihandelen, skape ein større privat sektor, politisk stabilitet og fred.