NRK Meny
Normal

Sjølvmordsbombarar i burka

Minst 41 menneske vart drepne i ein dobbel sjølvmordsaksjon mot eit flyktningsenter i det nordvestlege Pakistan i dag.

To sjølvmordsaksjonar mot matkø i Kohat i Pakistan

Pakistansk politi og redningsarbeidarar på åstaden for det doble sjølvmordsangrepet.

Foto: Naveed Sultan / AP

Artikkelen er flere år gammel.

Bombene ramma eit flyktningsenter i byen Kohat, opplyser ein lokal tenestemann, Khalid Khan Omarzai. Det er registrert over 60 såra. Dei to sjølvmordsbombarane var kledde i burka.

Den første sjølvmordsbombaren slo til medan folk stod i kø for å få utdelt mat. Den andre sprengde seg sjølv i lufta etter at redningsarbeidet var sett i gang.

- Talet på drepne stig heile tida, seier politisjefen i Kohat, Dilawar Khan Bangash.

Angrepa var retta mot Kacha Pukha-leiren i utkanten av garnisonsbyen Kohat. Det stod rundt 300 menneske i køa då bombene ramma.

FN reknar med at det er rundt 1,3 millionar interne flyktningar i det nordvestlege Pakistan på grunn av kampar mellom Taliban og pakistanske regjeringsstyrkar.

3200 menneske er drepne i sjølvmordsaksjonar i dette området dei siste tre åra. Det er i stor grad Taliban og ulike grupper som er knytte til Al Qaida-nettverket som står bak.

Mykje tyder på at angrepa var retta spesielt mot sjuamuslimar.

Innholdet som skulle vises her støttes dessverre ikke lenger.

Laster innhold, vennligst vent..
Laster innhold, vennligst vent..

SISTE NYTT

Siste nytt