Det er i landsbyen Vrondados den noko bisarre tradisjonen har vorte halden i hevd sidan 1800-talet.
Det er to kyrkjesokn i byen og to kyrkjer. Heile året lagar innbyggjarane store mengder fyrverkerirakettar, noko som i seg sjølv kan vere farleg.
Så brakar det laust like før midnatt påskeaftan, som i den gresk-ortodokse kyrkjekalendaren var denne helga.
Det blir skote fleire tusen rakettar mot dei to kyrkjene og bygningane rundt. Luftvernsirenane lyder mot nattehimmelen for å åtvare både dei lokale og turistane om at dette på ingen måte er ufarleg.
Dei som deltek på midnattsmessa ser på den spektakulære fyrverkerikrigen gjennom dei store glasvindauga i kyrkja.
Ingen vart skadd under rakettskytinga i år, men brannvesenet, som sjølvsagt er i full beredskap denne natta, måtte rykkje ut og sløkkje fire brannar.
Det hadde sikkert vore fleire om ikkje folk var så flinke til å montere tryggingsnetting på husa sine.
Som ein turist av turistane som fekk med seg denne heilt spesielle delen av påskefeiringa sa det: - Dette er sært!
Tradisjonen stammar frå den tyrkiske okkupasjonen av Hellas. Då brukte greske sjøfolk å avfyre kanonar for å markere påska, men dette likte ikkje okkuopanten. Dei var redde for at det skulle utvikle seg til væpna motstandskamp.
Då gjekk innbyggjarane i Vrondados over til heimelaga fyrverkeri, og sidan det har påskedag vorte innleidd med rakettar kvart einaste år.
