Leiarane oppfordra også at heile Libya får eit føderalt styre.
– Eit føderalt system er valet til regionen, heiter det i ei kunngjering tysdag frå delegatane på eit regionalt toppmøte i Benghazi.
Cyrenaika strekkjer seg frå kystbyen Sirte midt på den libyske middelhavskysten til grensa mot Egypt i aust.
Den største byen er Benghazi, der opprøret mot Muammar Gaddafi starta i fjor.
Over 3000 delegatar deltok på toppmøtet i Benghazi, der Sheikh Ahmed Zubair al-Senussi blei vald til leiar for eit regionalt overgangsråd.
Ifølgje kunngjeringa skal dette rådet jobbe opp mot den libyske overgangsregjeringa som blir leia av det nasjonale overgangsrådet NTC.
