Elizabeth Edwards døydde i heimen sin i Nord-Carolina i ettermiddag norsk tid, opplyser ein ven av familien. . Familien var der saman med henne.
I går vart det klart at ho ikkje lenger fekk behandling for sjukdomen. Ho har hatt ein kreftdiagnose sidan 2004.
John Edwards var visepresidentkadidat då John Kerry prøvde å bli amerikansk president i 2004. I 2007 prøvde han å bli nominert som Det demokratiske partiet sin presidentkandidat, men tapte mot Barack Obama.
- Den tida vi har i livet er avgrensa. Vi veit det, og det er tider i livet då vi ikkje greier å mobilisere så mykje styrke og tolmod som vi gjerne ville. Det er å vere eit menneske, skreiv ho på Facebook-profilen sin dagen før ho døydde.
Elizabeth Edwards var ein kjend forfattar, og ho var rekna for å vere den drivande krafta bak ektemannen sin politiske karriere.
Ekteskapet med den kjende politikaren fekk eit skot for baugen då han i eit fjernsynsintervju i vedgjekk å ha vore utru mot henne.