Fembornsmora frå Minnesota har blitt ein av dei fremste eksponentane for høgrebølgja av sinne og frustrasjon som først og fremst har retta seg mot Barack Obama og avtroppande fleirtalsleiar i Kongressen, Nancy Pelosi.
Michele Marie Amble Bachmann, norskætta politikar på den amerikanske høgresida.
Foto: JONATHAN ERNST / Reuters- Det dette landet treng er ein modig, sterk og grunnlovstru konservativ politikar, seier Bachmann i eit intervju med avisa .
LES OGSÅ:
LES OGSÅ:
- Sannsynleg kandidat
Ho seier at hennar viktigaste fokus i tida som kjem er å fjerne Barack Obama frå makta ved valet i 2012. Ho vil ikkje sjølv direkte stadfeste at ho kjem til å lansere seg som kandidat, men fleire nære medarbeidarar seier til avisa at det er svært sannsynleg at ho vil stille.
- Vi kjem nok fram til ein eigna kandidat. Det viktigaste er at vi ikkje har råd til ein ny periode med Barack Obama, seier ho i intervjuet.
Fembarnsmora Michele Marie Amble Bachmann vart vald inn i Den amerikanske kongressen i 2007 som den første kvinnelege republikanar i Representanthuset frå Minnesota. Ho vart attvald ved valet i fjor haust, og startar i desse dagar sin andre periode.
Ho er knallhard i kritikken av Obamas forslag til helsereform, ho gir uttrykk av kor lei ho er av offentlege inngrep i folk sitt privatliv og legg ikkje skjul på sin sterke motstand mot abort, homofile ekteskap og homofile i militæret.
LES OGSÅ:
LES OGSÅ:
- Engelsk fotball
USA-ekspert Hallvard Notaker trur ikkje Michele Bachmann har nokon sjanse til å blir nominert til presidentkandidat.
USA-ekspert Hallvard Notaker ved Universitetet i Oslo har inga tru på at den norskætta politikaren har nokon sjanse til å bli Det republikanske partiet sin presidentkandidat i 2012.
Han minner om at Tea Party-rørsla ikkje utgjer noko einskapleg fleirtal blant republikanarane, og at ein kandidat frå denne gruppa ikkje vil famne breitt nok til å bli ein samlande figur for partiet.
Notaker trur det blir mange slike spekulasjonar fram mot nominasjonsprosessen i partiet, og han samanliknar dei mange lanseringane av aktuelle kandidatar med overgangsrykte i engelsk fotball.
LES OGSÅ:
LES OGSÅ:
Viktig politikar
Han er likevel ikkje i tvil om at Michele Bachmann er ein viktig politikar for Tea Party-rørsla. Ho er eit ynda intervjuobjekt i ulike medium, blant anna i konservative Fox News.
Men i det daglege arbeidet i Kongressen trur ikkje Notaker at Tea Party-politikarane vil få gjennomført særleg av politikken sin. Dei vil ikkje få sine kandidatar inn i viktige verv i Kongressen, slik som komiteleiarar.
- Dei er sterke i mediene, men ikkje internt i Kongressen. Styrken deira ligg først og fremst i det dei greidde å oppnå i nominasjonsprosessen før valet sist haust, seier Hallvard Notaker.
Tea Party-rørsla har markert seg ved stadig å vise til grunnlova. Dei ynskjer at alle lovforslag må ha ei referanse til grunnlova, slik at dei på denne måten kan vise at staten i dag grip inn i område som grunnlova overlet til delstatane eller til private.
LES OGSÅ:
Tolking av grunnlova
Notaker trur dette kjem til å bli vanskeleg, ikkje minst fordi det er sterk usemje om kva som eigentleg står i grunnlova. Grunnlova må tolkast, og det er derfor valet av høgsterettsdommarar er ei så viktig politisk sak i USA, seier han.
USA-eksperten trur Tea party-politikarane vil bli innhenta av den politiske kvardagen i Kongressen. Fleirtalet i Det republikanske partiet er meir pragmatiske, og det er gjennom kompromiss at praktisk politikk blir skapt, seier han.
