Dei førti tilsette ved fryselageret til fiskerikonsernet Nergård i Gryllefjord på Senja i Troms fryktar for å mista jobben for godt. Dei er no alle permitterte på ubestemt tid, skriv Folkebladet.
Dei er ikkje åleine, for kvitfisknæringa slit langs heile Norskekysten.
Fryktar utflagging
– Me ser at fleire vel å leggja ned, seier forbundsleiar Jan-Egil Pedersen i Norsk Nærings- og nytelsesmiddelarbeider-forbund, NNN.
– Det byrjar å bli lite att av heile den norske filetnæringa, seier Pedersen.
– Dette skuldast at politikarane har tatt alt for stor omsyn til fiskarane, og tenkt lite på kva som skal skje når fisken kjem på land.
- Se video: To av tre torsk slippes ut
- Les også: Bekymret for hvitfisknæringa
– Ein forferdeleg situasjon
– Årsaka til at fryselageret i Gryllefjord kan bli lagt ned, er at me har svært dårlege økonomiske resultat, seier konsernsjef i Nergård, Tommy Torvanger.
– Det er ein forferdeleg trasig situasjon, fordi me veit at me er ei hjørnesteinsbedrift i bygda, seier konsernsjefen.
Han er einig med fagforbundet at feilslått fiskeripolitikk har sin del av skulda.
– Ein har vore altfor lite flinke til å tenka på heilskapen i verdikjeda, at kvart ledd må lønna seg.
– Framtida til flåten er at ein kan tena pengar også på land, seier Torvanger.
- Les også: Stoppet mottak av fisk – 22 uten jobb
- Les også: Mye fisk i havet – viktige arter tredoblet
Kan få store konsekvensar
NNN er klare på at det må store politiske endringar til om næringa skal reddast.
– Me er veldig bekymra for framtida, for det krev politisk mot og vilje for å få gjort dei nødvendige nedringane, seier Jan-Egil Pedersen.
– Viss ikkje me gjer noko snart på dette området, er me redd heile næringa vil flagga ut.
Fullt så pessimistisk er ikkje konsernsjefen i fiskerikonsernet.
– Eg trur norsk kvitfisknæring fins også om fem år, men den vil vera langt annleis enn kva den er i dag.
– Me må igjennom store, strukturelle endringar, seier Nergård-sjef Tommy Torvanger.
- Les også: Grieg: – Vet ikke hvor laksen har rømt fra
- Les også: Fisket kveite for 8 mill. på ei uke