Den nye landbruks- og matmeldingen om landbrukets tilstand i Telemark blei lagt fram denne veka.
Leiar for Miljøpartiet i Telemark, Ron Bruinvis, kritiserer meldinga for å ikkje ta inn over seg kritikken mot pelsdyrnæringa.
– Eg synest landbruksmeldinga i større grad burde ta inn over seg kritikken som kjem frå organisasjonane og folk, seier Bruinvis.
Han meiner landbruksmelding frå Telemark burde ha fortalt tydlegare at det er store etiske dilemma knytta til pelsoppdrett.
– Konsekvensen må vere ei avvikling av pelsdyrnæringa, seier Bruinvis.
Leiaren i Miljøpartiet De Grønne i Telemark meiner det ikkje er nokon veg utanom, og han trur det kjem til å skje i nær framtid.
Politikarane bestemmer
Rådgivar Jan Thorsen har ansvaret for landbruksmeldinga som no er til politisk handsaming i Telemark fylkeskommune. Han tar kritikken til kunnskap.
– Landbruksmeldinga peikar på at pelsdyrnæringa er omstridd og at det er viktig å betre dyrevelferden, seier Thorsen.
Han meiner pelsdyroppdrett er ei næring som høver i Telemark, og peikar på at det er ein internasjonal marknad for sal av pels.
– Det må bli opp til politikarane å meine noko om framtida for pelsdyrnæringa i Telemark, seier Thorsen.