Klokka 1412 fekk politiet fekk telefon frå to kvinner som hadde gått seg vill i tåka.
Dei to kvinnene gjekk i området ved Vehuskjerringi mellom Åmot og Rauland.
– Politiet er reist til staden, og Røde Kors er kalla ut med mannskap, opplyste operasjonsleiar Tor Ragnar Steffensen ved Telemark politidistrikt tidleg torsdag kveld-
To patruljer frå Røde Kors og ei politipatrulje leita i området, til fots. Politiet fortel at kvinnene er funne i god behald, og at tåka gjorde at dei kom bort frå stien dei gjekk på.
– Eit helikopter frå luftambulansen er straks framme i området, sa Steffensen til NRK klokka 18.15. Men det var altså Røde Kors-mannskap som fann dei to kvinnene tjue minutt seinare. Dei blir no følgde ned frå fjellet.
Fordi kvinnene måtte spare på batteriet til mobiltelefonen, avgrensa telefonkontakten under leitinga etter dei.
