Klokka 17:40 melde politiet at det hadde vore ei ulykke på Rjukan, der ein isklatrar hadde falt 30 meter.
Det blei sett i gang ein redningsaksjon for å få klatraren ut.
– Me vil takke alle som deltok i aksjonen. Spesielt den lokale klatregruppa og brannvesenet, som kom først fram til ulykkesstaden, seier Edvard Middelthon i Hovudredningssentralen.
Vanskeleg terreng
Det er vanskeleg terreng der klatraren falt. Først prøvde naudetatane å få personen ut med luftambulanse, men det gjekk ikkje på grunn av vanskelege forhold.
Planen blei difor å sende eit Sea King-helikopter frå Rygge.
Klokka 1945 seier Hovudredningssentralen at klatraren er om bord i helikopteret.
– Vedkommande har vore vaken heile tida, og blir nå flydd til sjukehuset i Skien, seier Middelthon.
Det er framleis ikkje kjend kva skadar klatraren har fått, men Middelthon opplyser at klatraren kunne stå oppreist, men hadde vanskeleg for å gå for eigen maskin.
Personen som melde om ulykka sa også da, at skadane ikkje var livstrugande.
Sjukehuset Telemark opplyser til NRK at mannen slapp frå ulykka med lettare skader.
