Fyrverkeri og fest for bronse

Trenar Dag-Eilev Fagermo synest det er stort å kunne kome heim til Skien og Telemark med bronsemedalje i eliteserien.

– Eg blir heilt rørt. Dette er utruleg, seier Fagermo.

Han meiner den historiske medaljen i eliteserien til Odd har mykje å seie for folk som støttar klubben.

– Skien er ein fotballby, og Telemark er fotballfylke. Dei er svoltne på medaljar. Men no har vi greidd det, seier Fagermo.

Les også:

• - Har gitt Odd noe å tenke på
• Vendte sølvet ryggen

(Artikkelen fortset under bilete)

Fantastisk stemning

Kaptein Steffen Hagen skulle gjerne hatt sølv, men måtte innsjå at det blei bronse etter tap mot Molde i rosebyen.

Men Odd-spelaren sette stor pris på at så mange hadde møtt fram for å feire ein historisk medalje for klubben.

– Det er fantastisk stemning her og utruleg gøy at så mange har møtt fram her i kveld, seier Hagen.

(Artikkelen fortset under bilete)

– Stort for oss

Festen i gatene i Skien fekk spelarane til å gløyme at dei tapte tidlegare på kvelden i Molde.

– No skal vi juble over bronsemedaljen. Det er utruleg stort for oss, seier Hagen.

No satsar han på at klubben og spelarane vil jobbe hardt for å kunne gjenta suksessen neste år.

– Og helst kome enno høgare på tabellen, seier Hagen.