Den globale lanseringa av betalingskortet til Zwipe og Mastercard i London fredag med fingeravtrykksidentifikasjon har fått enorm merksemd over heile verda.
Det nye trådlause kortet med identifikasjon med fingeravtrykk er utvikla av Zwipe og Kim Kristian Humborstad frå Skien, i samarbeid med Høgskolen i Telemark og Mastercard.
Mastercard tar sikte på å ta det nye betalingskortet i bruk i 2016.
Les også:
Sparebanken Din i har køyrt eit pilotprosjekt med femti kortbrukarar som har testa ut kortet ved fleire serveringsstader i Bø. Og dette pilotprosjektet blei presentert i London.
(Artikkelen held fram under bilete)
Det nye betalingskortet er testa ut ved fleire serveringsstader i Bø i samarbeid med Sparebanken Din.
Foto: Kurt Inge Dale / NRKFår mykje omtale
Prosjektleiar Runar Gundersen ved Høgskolen i Telemark har følgd med på omtalen av produktet den siste tida.
Runar Gundersen, Høgskolen i Telemark.
Foto: Even Aarnes / NRK– Dei første to timane etter lanseringa fredag fekk Zwipe sitt Mastercardkort over fem oppslag på internett og twittermeldingar i minuttet, seier Gundersen.
Næringslivsavisa Forbes skriv mellom anna at bruken av dette kortet vil bety at det er bortkasta tid for tjuvar å forsøke å hacke data frå den som eig kortet.
– Vi har hatt ei fantastisk lansering, seier dagleg leiar i Zwipe Kim Humborstad.
Han fortel at folk har skrive om Zwipe frå alle verdsdelar. Det er artikler i BBC, CBNC, Fortune, Le Figaro, Guardian, Mirror og mange fleire nettaviser .
– I tillegg er det saker i dei aller fleste store tech bloggane, TechCruch, Mashable og The Verge. Vår demo film er sett 17.000 ganger, seier Humborstad søndag kveld.
