Hansen får støtte av topputøvar

Mangekjempar Karsten Warholm støttar Svein Arne Hansen og meiner friidrettspresidenten var langt frå synleg rusa under banketten etter lag-EM.

Karsten Warholm

IKKJE EINIG: Stortalentet Karsten Warholm kjenner seg ikkje igjen i at friidrettspresident Svein Arne Hansen skal ha vore synleg rusa.

Foto: Ruud, Vidar / NTB scanpix

Svein Arne Hansen

I HARDT VÊR: Svein Arne Hansen blir skulda for upassande åtferd etter lag-EM i Tsjeboksary i juni.

Foto: Roald, Berit / NTB scanpix

Det er stikk i strid med brevet som TV2 i går fyrst omtalte. I etterkant av lag-EM i Russland blei det sendt eit brev til den sportslege leiinga i Norges Friidrettsforbund frå ei tilsynelatande samla utøvargruppe som klagar på det dei kallar «uakseptabel» åtferd frå friidrettspresident Svein Arne Hansen på banketten under lag-EM.

Ingen samla utøvargruppe

Etter det NRK erfarer blei det servert store mengder alkohol under banketten og fleire utøvarar var synleg rusa.

Det kan mangekjempar og ein av Noregs nye friidrettsprofilar, Karsten Warholm, bekrefte. Han kjenner seg heller ikkje igjen i skuldingane i brevet og meiner saka har blitt mykje større enn den eigentleg var.

– Eg oppfatta ikkje Svein Arne som full i det heile teke. Han kom bort til meg og sa han skulle ta ein tidleg kveld, fortel Warholm.

Svein Arne Hansen nekta i går sjølv for skuldingane som kom frå to av utøvarane.

– Eg var ikkje full og desse skuldingane har ingen rot i verkelegheita. Eg heldt tale og drakk berre ein øl i løpet av kvelden, sa Hansen i går til NRK.

LES SAKA: Kritiserer friidrettspresidenten etter bankett i Russland

Bør ha eit regelsett

Vebjørn Rodal

UHELDIG: NRKs friidrettsekspert meiner banketten etter Lag-EM i Russland vitnar om at fleire utøvarar har litt å gå på og ikkje har dei riktige haldningane.

Foto: Åserud, Lise / NTB scanpix

NRKs friidrettsekspert Vebjørn Rodal meiner ein slik bankett uansett er svært uheldig rett før den viktigaste konkurranseperioden for alle dei norske utøvarane.

– Å drikke alkohol midt i sesongen er ikkje spesielt heldig, det har me sett mange eksempel på. I mine auger handlar ikkje dette om toppidrettshaldningar når dei største oppgåvene framleis står framfor utøvarane, seier Rodal.

Han meiner dette er noko friidrettsforbundet må ta konsekvens av.

– Det bør vere enkelt å lage eit regelsett som seier at ein ikkje nyt alkohol på turar i regi av Norges friidrettsforbund.

Meiner rutinene er gode nok

Visepresident i friidrettsforbundet, Tore Hordnes meiner forbundet allereie har gode nok retningslinjer.

– Me har hatt retningslinjer i mange år som blir sendt ut før alle meisterskap. Der står det mellom anna at på seniormeisterskap skal ingen vere synleg rusa medan det er totalforbod mot alkohol i juniormeisterskap.

Men ut i frå brevet som blei sendt til friidrettsforbundet verkar det ikkje som om utøvarane er klar over desse retningslinjene?

– Eg trur kanskje ikkje at det er dette dei tenkjer på, men at dei er meir opptekne av handheving og oppfylgjing av regelverket, seier Hordnes som vidare fortel at dei kjem til å ta saka opp på neste styremøte under NM i Haugesund i starten av august.

Utøvarar som NRK har vore i kontakt med bekreftar også at det ikkje har vore klare retningslinjer når det gjeld alkohol ved representasjon i meisterskap.

Siste nytt

  • Første verdenscupseier

    Vetle Sjåstad Christiansen tok sin første verdenscupseier i karrieren, under sprinten fra amerikanske Soldier Hollow. 26-åringen kjempet en innbitt kamp med Simon Desthieux, men tok franskmannen med 1,3 sekunder. Johannes Thingnes Bø fikk fire bom på den stående skytingen, men kjempet seg inn til en femteplass.

    Sjåstad Christiansen.
    Foto: Heiko Junge / NTB scanpix
  • Opptur for Norge i lagkonkurransen

    Polen vant lagkonkurransen i tyske Willingen foran Tyskland og Slovenia. Etter å ha ligget på en sjetteplass etter den første omgangen, klatret de norske hopperne to plasser. Mye takket være unggutten Thomas Aasen Markeng, som leverte to solide hopp.

    NORDIC-SKIING/
    Foto: LEHTIKUVA / Reuters
  • 3. div-spiller til slovensk mester

    Mirza Mujcic (24) fra den norske 3. divisjon-klubben Lysekloster har meldt overgang til den slovenske dobbeltvinneren Olimpija Ljubljana. – Jeg kan ikke tenke meg at noe sånt har skjedd før, sier breddefotballekspert Jørgen Tjærnås til Aftenposten.

    NM fotball 3. runde, Brattvåg - Rosenborg.
    Foto: Svein Ove Ekornesvåg / NTB scanpix

Sendeplan

Kl. Program Kanal