NRK Meny
Normal

Redda av videodømming – vann skjebnekampen

HERNING/OSLO (NRK): Norge vann sin viktigaste hockeykamp på mange år og sikra spel i ishockey-VM også neste år. Men det kunne gått langt verre etter dramaet i opningsminuttet.

Tobias Lindström

TIDENES VIKTIGASTE NORSKE MÅL? Tobias Lindström jublar med lagkameratane etter å ha sett inn 1–0 i skjebnekampen

Foto: Petr David Josek / AP

Laster innhold, vennligst vent..

– Det var ingen god kamp. Men det var kjempeviktig for norsk ishockey at vi vann, seier ein letta Mathis Olimb til NRK etter 3-0-sigeren over Sør-Korea.

– Vi startar nervøst, og kampen vippar. Men eg synest at vi til slutt viser at vi er det beste laget, seier kapteim Jonas Holøs.

– Vi har også Lars (Haugen) bak. Han er knallgod og gir oss den tryggleiken vi treng.

Spelet var ikkje overtydande. Norge spela nervøst og usikkert i to periodar.

– Vi må passe oss så vi ikkje går oss bort i den siste delen av kampen, sa Anders Bastiansen til Viasat i siste pause.

Føresetnadene var klare: Poeng til Norge – det vil seie uavgjort eller siger etter 60 minutt – ville gi norsk VM-deltaking også neste år. Tap ville gi nedrykk og spel på nivå 2 for første gong sidan 2005.

– Det er ein enorm skilnad på nivå 1 og 2 i VM, og det er vanskeleg å rykke opp igjen, sa ein letta Petter Thoresen til NRK.

– Om norsk hockey skal går framover, er det veldig lærerikt å halde seg i A-pulja.

Slapp med skrekken

Norge kunne gå til første pause med 1-0, men det kunne fort sett annleis ut.

For Norge fekk ei utvising like etter kampstart, og etter berre 50 sekunds spel sette Shin Sang-hoon pucken i nettet bak Lars Haugen, og dommaren dømde mål.

Thoresen brukte sin rett til å krevje «goal challenge» – at dommarane skulle studere situasjonen grundigare.

Det gjorde dommarane, og kom fram til at målet ikkje skulle godkjennast. Norge slapp med andre ord med skrekken i skjebnekampen.

– Det var mange folk framfor meg, og eg mista kontrollen på pucken fordi nok trefte meg. Det var bra gjort av trenarane og videoteamet som plukka det opp, seier Haugen til NRK.

– Petter Salsten, som var på tribuna og såg video, sa at det var noko som skjedde. Eg var nesten sikker, saeier Thoresen.

Lars Haugen fekk også prisen som kampens bestemann.

I staden var det Norge som scora. Tobias Lindström sette pucken i mål då det var 6.25 igjen av perioden.

– Vår dårlegaste periode i VM

Koreanarane tok tak i kampen i andre periode, og skapte klart flest sjansar. Berre dei par siste minutta skapte Norge noko.

– Vi skaper nesten ingenting. Dette er vår dårlegaste periode i VM, sa Espen Knutsen i Viasat-studio.

Det gjekk nesten sju minutt, så var kampen i realiteten avgjort. Anders Bastiansen gjekk rundt heile kassa, og pasninga til Thomas Valkvæ-Olsen var perfekt. Olsen kunne ikkje bomme, og 2-0.

Norge hadde gjort jobben. Jonas Holøs scora det tredje på berre farten midt i perioden, og i sluttsekunda gjekk pucken i Koreas stolpe.

Det enda godt for norsk hockey.

Norge - Sør-Korea

SLAPP MED SKREKKEN: Shin Sanghoon set pucken forbi Lars Haugen. Men det blir ikkje godkjend scoring

Foto: JOE KLAMAR / AFP

Siste nytt

  • Vidal tiltalt for vold

    Bayern München-stjernen Arturo Vidal er tiltalt for kroppskrenkelse etter en voldsepisode på en nattklubb i byen i fjor høst. Statsadvokaten i München opplyser at strafferammen for det Vidal er tiltalt for er fengsel i inntil 10 år.

    Vidal
    Foto: Matthias Schrader / AP
  • Lyon vann meisterligafinalen

    Med Ada Hegerberg på scoringslista vann Lyon meisterligafinalen med 4-1 mot tyske Wolfsburg. Med sitt eine mål blei Hegerberg tidenes toppscorar i turneringa med 15 mål. Wolfsburgs Caroline Graham Hansen måtte gå av i pausen grunna ei skade.

    Ada
    Foto: Efrem Lukatsky / AP
  • Citroën sparket Kris Meek

    Citroën har sparket den britiske rallyføreren Kris Meek for uforsvarlig kjøring etter en rekke avkjøringer i VM-runder den siste tiden. Nordiren har kjørt ut for ofte på grunn av at han kjører med uforsvarlig høy risiko, meldes det i en uttalelse.

    Kris Meeke
    Foto: TT NEWS AGENCY / REUTERS

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag