Santos: «Nei, eg meiner han skulle aldri ha hatt det raude kortet»

(SOGNDAL - SARPSBORG 08 0-0): Den kontroversielle utvisninga av Tom Erik Breive prega kampen mellom Sogndal og Sarpsborg. Sjølv meiner Ricardo Santos at det aldri skulle ha vore raudt kort.

Ricardo Santos i duell med Sarpsborg-keeper Duwayne Kerr

IKKJE RAUDT: Ricardo Santos meinte det raude kortet var feilaktig. Biletet syner spissen i duell med keeper Duwayne Kerr.

Foto: Arne Stubhaug / NRK

– Det var ein duell der eg prøvde å beskytte ballen. Eg merka at han var sterk, og så sparka han meg då eg prøvde å gå vidare, fortel Ricardo Santos.

Episoden han siktar til vart den mest omdiskuterte hendinga etter kampen mellom Sogndal og Sarpsborg 08: Berre nokre minutt før pause vart det litt klammeri mellom Santos og Breive under ein duell på midtbana.

Knuffing som enda med raudt

Santos hadde tydeleg armane sine oppi fjeset på Breive, og det heile enda med at Breive sprang Sogndal-spissen over ende. Det kunne sjå ut som ein hamnaksjon - noko dommar Ola Hobber Nilsen tydelegvis meinte.

Men korkje Santos eller Breive er samde...

– Det er slikt som skjer i ein kamp, seier Santos.

– Du synest ikkje han burde ha hatt raudt?

– Nei, nei.

Og her er Breive sitt synspunkt:

– Det er Santos som spring inn i løpebana mi. Eg feller han ikkje med vilje - dette var toppen gult kort, seier han.

Nøgd med det eine poenget

Då NRK.no konfronterer Sogndal-trenar Jonas Olsson med episoden, trekkjer han først lett på skuldrane.

– Eg kan ikkje uttale meg om den situasjonen, ettersom eg ikkje såg kva som skjedde. Eg registrerte at Santos hadde armane høgt, men elles ikkje meir, seier han.

Det er umogleg å seie kva utvisninga fekk å seie for resultatet, men Sarpsborg-stoppar Christian Brink er klar i si sak:

– Det er klart det pregar kampen for oss. Likevel synest eg vi prøver å spele oss til poeng, og vi klarer å få med oss det eine. I dag må vi nok vere nøgde med det, seier han til NRK.no.

Stemninga var naturleg nok ikkje like god i Sogndal-garderoben.

– No er eg veldig skuffa. Det er frustrerande å vere éin mann meir og ikkje klare å avgjere kampen, seier kaptein Per Egil Flo.

(Artikkelen held fram under biletet)

Ulrik Flo i angrep mot Sarpsborg 08

NULL MÅL: Ulrik Flo og dei andre Sogndal-spelarane greidde ikkje å bryte gjennom forsvarmuren til Sarpsborg 08.

Foto: Arne Stubhaug / NRK

Sogndal nærast før pause

Sarpsborg opna kampen best, men allereie etter ti minutt byrja heimelaget å komme betre med i oppgjeret på Fosshaugane - og Ricardo hadde to store sjansar til å gje Sogndal leiinga.

Først vart han lekkert spelt gjennom, men brende sjansen åleine med keeper. Deretter bles han eit skot frå spiss vinkel langt over mål..

Utover i omgangen var Sogndal mest aggressive, medan Sarpsborg 08 stod fram som eit ballsikkert lag. Heimelaget låg bakpå og kom på raske overgangar, og fleire kunne med litt meir presisjon ha enda i store sjansar.

Etter ein halvtimes spel var Santos ikkje langt unna å få nettkjenning med eit forsøk på brassespark inne i feltet.

Fem minutt før pause småknuffa Ricardo Santos og Tom Eirik Breive i ein duell på midtbana. Då førstnemnde spelte ballen frå seg, sprang Breive Santos over enda - og dommar Ola Hobber Nilsen delte resolutt ut det raude kortet til midtbanegeneralen til Sarpsborg.

Laga gjekk til pause på stillinga 0-0, etter at Sogndal hadde vore nærast scoring dei første 45 minutta.

Ingen klarte å score

Utvisningar pregar kampar, og det var eit langt meir defensivt Sarpsborg som kom på bana etter pause. Heimelaget stod på si side høgare i bana.

Men det var Sarpsborg som kom til den første sjansen etter fem minutts spel: Ei flott opprulling enda ute hos Claes Jørgensen, som sette ballen rett på keeper Erik Dahlin.

Eit kvarter ut i omgangen rulla Sogndal opp framfor Sarpsborg sitt mål. Ballen enda hos Ulrik Flo, men begge skota frå spissen vart blokkerte.

Fem minutt seinare var Sarpsborg igjen nær scoring. Mohammed Elyounoussi flikka ballen vidare inne i 16-meteren, og der kom Gudmundur Thorarinsson i fullt firsprang. Skotet gjekk over mål.

Nokre minutt før full tid fekk heimelagets Magnus Stamnestrø ein gedigen sjanse frå litt skrått, men skotet gjekk utanfor - til stor fortviling for dei 2200 frammøtte på Fosshaugane. Dermed vart det 0-0 og poengdeling mellom Sogndal og Sarpsborg 08.

Siste nytt

  • Keeper-Haugen seier nei

    Norges førstemålvakt Lars Haugen seier nei til å spele i VM, som tek til i Slovakia om to veker, melder VG.

    – Det er av omsyn til familien, som har vore i Norge eit par månader, seier Haugen, som onsdag blei seriemeister i Austerrike med sin klubb Klagenfurt.

    Norge - Sør-Korea
    Foto: JOE KLAMAR / AFP
  • Pogba på årets PL-lag

    Manchester Uniteds profil Paul Pogba er den eneste spilleren som ikke spiller på Manchester City eller Liverpool som er inne på årets lag i Premier League. Aldri tidligere har så få lag som tre vært representert på årets lag fra spillerforeningen.

    Laget ser slik ut (4-3-3):

    Ederson (Manchester City) – Trent Alexander Arnold (Liverpool), Virgil van Dijk (Liverpool), Aymeric Laporte (Manchester City), Andy Robertson (Liverpool) – Paul Pogba (Manchester United), Fernandinho (Manchester City), Bernardo Silva (Manchester City) – Raheem Sterling (Manchester City), Sergio Agüero (Manchester City), Sadio Mané (Liverpool).

    Britain Soccer Premier League
    Foto: Jon Super / AP
  • Brøt LA Galaxys seiersrekke

    Etter fem strake seire for Jørgen Skjelvik og Zlatan Ibrahimovics LA Galaxy ble det kun 0-0 borte mot Minnesota United. Adama Diomande og Los Angeles FC topper Western Conference tre poeng foran Skjelvik & Co., men har én kamp mer spilt.

    skjelvik
    Foto: Brace Hemmelgarn / Reuters

Sendeplan

Kl. Program Kanal