NRK Meny
Normal

Kun detaljar står igjen før Forren er Southampton-klar

Southampton er i avsluttande forhandlingar med Vegard Forren og Molde. Ifølgje fleire engelske aviser er bodet på Molde-midtstopparen på over 35 millionar kroner.

Ole Gunnar Solskjær snakker om Forren og salget

Ole Gunnar Solskjær var klar på at Vegard Forren blir Southampton-spelar om han sjølv vil. Her er han intervjua under Molde-treninga tysdag.

– I prinsippet er vi einige med Southampton. Nokre detaljar står igjen og ingenting er skrive under på, men finn Vegard ut at han vil til Southampton, så får vi nok sjå han i kvite og raude striper snart.

Det seier Molde-manager Ole Gunnar Solskjær til NRK.no.

Tidlegare i dag meldte Romsdals Budstikke at Vegard Forren var svært nær ein overgang til Southampton i Sør-England.

– Det har vore mange førespurnader frå ulike engelske klubbar, men då Southampton la fram ei tilbod blei det veldig interessant for både oss og Vegard, sa Solskjær til avisa tysdag formiddag.

Vegard Forren

Vegard Forren landa seint måndag kveld på flyplassen i Manchester. Mange klubbar har vore involvert i Forren-sagaen, men no går det mot ei løysing med Southampton.

Foto: Grøtt, Vegard / NTB scanpix

Falske Liverpool-rykte

Måndag blei det hevda at Liverpool hadde lagt inn eit bod på Forren, noko både styreleiar Øystein Neerland og administrerande direktør i klubben, Tarje Nordstrand Jacobsen tilbakeviste.

– Vi har ikkje akseptert noko bod, frå nokon klubb, på Vegard Forren, sa Nordstrand Jacobsen til NRK.no.

Forren reiste derimot til England og Liverpool for å sjå nærmare på Anfield og klubben.

Etter at den verste rykteflommen hadde lagt seg, fekk både NRK og andre medium kjelder på at Southampton låg føre Liverpool i kampen om Molde-stopparen.

Ole Gunnar Solskjær

Ole Gunnar Solskjær fortel til Romsdals Budstikke at Molde og Southampton er så å seie einige.

Foto: Roar Strøm

– Riktig bod i marknaden

Til NRK.no fortel Solskjær at Molde er fornøgde med bodet Southampton har kome med.

– I dagens marknad får vi eit bod vi synest er riktig for Vegard Forren. Vegard har fortent sjansen til å reise ut.

– Vi kunne kanskje drege ut tida og forhandla mykje, men no er det viktig at Vegard får slutt på alt av spekulasjonar. Og vi fekk ein pris vi synest er riktig, seier Molde-manageren.

Om Liverpool-spekulasjonane er han klar på at det berre var ei reise dit for å sjå på forholda. Noko bod kom aldri.

Saka held fram under bildet.

Forren

Alt går mot at Vegard Forren blir Southampton-proff.

Foto: Ekornesvåg, Svein Ove / NTB scanpix

Trur ikkje Forren set pengane først

Solskjær omtalar Southampton som ein klubb som er på veg opp igjen, etter å ha ligge nede for telling i ein periode.

– Dei har vore nede i divisjonssystema og reorganisert klubben. No er der ei veldig optimise, og i Premier League i år har dei vore positive. Dei spelar ein type fotball som vil passe Vegard. Dei spelar fotball, presiserer den tidlegare Manchester United-proffen.

Dersom alt går i orden med Southampton, trur han Forren vil få godt med speletid.

– Eg trur at når Vegard no er i Southampton og pratar med dei, så er det ikkje pengar han pratar om.

– Han pratar nok om kva han er tiltenkt av speletid og om moglegheitene sine i klubben. Får han dei forsikringane så går han nok til klubben. Han vil nok uansett tene meir enn i Molde.

Vegard Forren

Vegard Forren har imponert i Tippeligaen for Molde. Likevel er det prestasjonane i Europaligaen og på landslaget som har fanga Premier League-klubbane, trur Solskjær.

Foto: Larsen, Håkon Mosvold / NTB scanpix

Landslag og Europa utgjer forskjellen

Det er ikkje vanskeleg å forstå kvifor interessa kring Molde-stopparen har vore stor. Han har hatt to glimrande sesongar for den doble seriemeisteren, og har tatt steget inn i landsvarmen.

– Vegard har vore solid for oss i Tippeligaen. Men det som utgjer forskjellen for desse Premier League-klubbane som skal kjøpe er landskampar og Europacup, trur Solskjær.

– Dei har sett han i Europacupen og mest sannsynleg sett han i landskampar òg. Då har dei sett at han har nivået inne.

Overgangssum på 35 millionar kroner?

Solskjær vil ikkje nemne nokon summar, men tidlegare har det blitt sagt at Molde krev minst mellom 20 og 30 millionar kroner.

Southern Daily Echo, som følgjer Southampton tett, skriv derimot at bodet kan vere så høgt som 35 millionar kroner.

Dei skriv at Liverpool har meldt seg ut i kampen om Vegard Forren då dei ikkje ser føre seg å matche Southampton sitt bod.

Bodet skal vere på fire millionar pund, eller like i overkant av 35 millionar kroner.

Avtalane er ikkje 100 prosent i boks, men det meste tyder på at den 24 år gamle trønderen blir å finne i Sør-England framover.

NRK følgjer saka.

Siste nytt

  • City vann trass to Napoli-straffer

    Manchester City slo Napoli 2-1 i meisterligaen. Raheem Sterling og Gabriel Jesus gav City 2-0 tidleg.

    Så stoppa det opp for engelskmennene. Napoli bomma først på straffe, men Amadou Diawara scora då Napoli fekk ny straffe.

    City har dermed vunne alle sine tre kampar i gruppespelet.

  • Start med langt steg mot opprykk

    Start slo Ranheim 4-2 og har stø kurs mot opprykk til eliteserien.

    Andreas Rye og Mads Reginiussen gav Ranheim 2-0. Men to av Niels Vorthoren gav 2-2 ved pause, og to av Steffen Lie Skålevik sikra Start-siger.

    Start - Ranheim
    Foto: Tor Erik Schrøder / NTB scanpix

Sendeplan

Kl. Program Kanal