Forbanna Røthe meiner han øydela for kompisen: – Ein fadese

MERÅKER/OSLO (NRK): Sjur Røthe var heilt knust etter målgang på fellesstarten. Han meiner han hjelpte Aleksandr Bolsjunov og øydela vinnarsjansane i touren for kompis Pål Golberg.

Ski Tour 2020: 15 km intervallstart fri teknikk menn

– Eg føler ikkje berre at eg skuffa meg sjølv, men eg øydelegg touren for hans del også. Det er forbanna surt.

Sjur Røthe og Pål Golberg er ikkje berre vanlege lagkompisar på landslaget. Dei er også nære vener utanfor sporet.

Derfor var vossingen spesielt lei seg da han møtte pressa etter målgang.

Bolsjunov ville at Røthe skulle dra

Røthe var den som rykka først i den 34 kilometer lange fellesstarten i Meråker. Bolsjunov fylgde, medan Pål Golberg vart hengande etter.

Stikk i strid med det som var eigen taktikk på førehand.

Ski Tour 2020: 15 km intervallstart fri teknikk menn

IRRITERT: Sjur Røthe slaktar eigen taktikk i fellesstarten.

Foto: Terje Pedersen / NTB scanpix

– Vi har ein plan, og det er å vinne touren som lag. For det andre skal vi snakke saman undervegs. Pål gir beskjed om at eg kan dra, og han følte seg pigg. Eg spør ikkje to gonger, så då sette eg fart, og då ser eg at Bolsjunov kjem opp.

Russaren ville ha nordmannen til å dra, men det nekta Røthe. Han forstod alt da at plan B måtte vere å ikkje bidra til å sette opp farten framfor Golberg.

– Då sa eg: Beklagar, Golberg leder touren. Då skjønte han det greitt. Han vart skuffa over at eg ikkje drog, men veit ikkje om det var ei ekstra vitamininnsprøyting, og dei andre må sleppe til slutt.

– Det er ein fadese frå mi side. Eg øydelegg ikkje berre for meg, men Pål også.

Nossum synest ikkje Røthe øydela

Allroundtrenar Eirik Myhr Nossum meiner Bolsjunov hadde tenkt å sette inn eit rykk på resten av feltet uansett og at Røthe ikkje må tru at han har øydelagd for lagkompisen.

På spørsmål om Røthe burde hatt meir is i magen og venta med eit rykk, svarar allroundtrenaren at ting gjekk riktig for seg i og med at Røthe bad Golberg om lov til å gå frå.

Når Nossum blir spurd om ikkje sigeren samanlagt i Ski Tour trumfar det meste og er det store målet, svarar han slik:

– Ja, det var målet. Men taktikk er alltid bak fysisk kapasitet. Du kan ta kva slags taktikk du vil. Eg veit ikkje kva slags taktikk du kunne hatt her. Den finst ikkje. For han hadde gått frå oss likevel.

– I dag knuste han alle i heile verda

Pål Golberg som leia touren før rennet kom til slutt inn til ein 12.-plass og måtte dermed gi frå seg samanlagdsigeren.

Han var nedfor da han møtte i pressesona etter rennet.

– Det gjekk bra veldig lenge. Så vart det gått frykteleg fort opp til bonussekundane. Etter det prøvde eg kanskje litt for lenge. Eg var ikkje god nok, seier Golberg og slår fast med ein gong at samanlagdsigeren er det berre å gløyme.

– Touren er avgjort, men det er plassar å kjempe om bak. Laurdag må eg gjere det bra, det håpar eg at eg gjer, konkluderte Golberg.

Han presiserer at han ikkje er sur på Røthe, men er einig i at lagkompisens rykk var utløysande for at Bolsjunov også hang seg på.

Golberg legg raskt til at det var greitt. Dei hadde trass alt gått to mil av løpet.

Landslagstrenar Eirik Myhr Nossum var svært imponert over det Bolsjunov viste i dag.

– Han tok ikkje rotta på oss, han berre gjekk rett og slett frå oss. I dag knuste han alle i heile verda. Det han gjer i dag er enormt imponerande, seier den norske trenaren Eirik Myhr Nossum.

Johannes Høsflot Klæbo gjekk inn til 2.-plass nesten 52 sekund bak russaren. Emil Iversen tok 3.-plassen.

Også han trur det er vanskeleg for nordmennene å hente tilbake Bolsjunov sitt forsprang.

– Eg trur det ser vanskeleg ut å gjere noko med han. Sånn han går no, så er det vanskeleg. Vi gjere så godt vi kan. Eg såg Sjur prøvde, men fekk det tøft. Det er litt kjipt.

Fekk stav i andletet

Sjur Røthe hang på ryggen til russaren, då staven (sjå video) til Bolsjunov trefte vossingen mitt i andletet.

– Brilleglaset rauk, men det er sånt som skjer. Heldigvis hadde eg brille på. Det må nok bytast eit glas etter kvart, sa Røthe til NRK etter rennet.

31-åringen kan nok prise seg lykkeleg over at han hadde briller på. Det er heller ikkje første gong dette skjer.

Under NM tidlegare i år vart Julie Myhre også redda av brillene, då Maiken Caspersen Falla stakk ho i andletet med staven.

Den første stavdramatikken oppstod tidleg i løpet. Aleksandr Bolsjunov knakk staven. Det mest oppsiktsvekkande var likevel at lagkompis Denis Spitsov gav frå seg sin eigen stav til verdscupleiaren og måtte sjølv gå fleire hundre meter med berre ein stav.

Laster innhold, vennligst vent..

Siste nytt

  • Everton ute etter straffedrama

    Etter åtte rundar med straffespark var cupbomba eit faktum; QPR slo ut Everton av den engelske ligacupens tredje runde.

    Tom Davies bomma på straffe for Everton og Jimmy Dunne kunne sørge for at OPR er klar for fjerde runde.

    Ved full tid stod det 2–2 mellom laga.

    Også mellom Fulham og Leeds gjekk det til ein dramatisk straffesparkkonkurranse, men etter seks rundar kunne Leeds-fansen sleppe jubelen laus.

    Carabao Cup - Third Round - Queens Park Rangers v Everton
    Foto: Peter Cziborra / Reuters
  • Reserven tok Liverpool vidare

    Liverpool tok seg komfortabelt vidare til den fjerde runden i ligacupen etter at dei slo Norwich 3-0. Takumi Minamino vart kveldens store spelar for gjestane med to mål. Også Divock Origi kunne setje seg på scoringslista. Når Norwich i tillegg bommar på straffe var dei aldri nær ved å utfordre eit reserveprega Liverpool.

    Manchester City tok seg også lett vidare etter at dei slo Wycombe 6-1.

    Carabao Cup - Third Round - Norwich City v Liverpool
    Foto: Paul Childs / Reuters
  • Norge gjere tre endringar i laget

    Sjögren gjer tre endringar frå torsdagens kamp. Forsvarstrearen er uforandret, medan Eikeland og Syrstad Engen, kjem inn for Haavi og Bøe Risa på midtbana. Utland erstattar Sævik på topp.

    Her er laget:

    Cecilie Fiskerstrand – Tuva Hansen, Guro Bergsvand, Maria Thorisdottir – Amalie Eikeland, Ingrid Syrstad Engen, Frida Maanum, Julie Blakstad – Caroline Graham Hansen, Guro Reiten – Lisa-Marie Karlseng Utland

    Fotball VM-kvinner 2019.
    Foto: Terje Bendiksby

Sendeplan

Kl. Program Kanal