Hopp til innhold

Ny regel vekker harme: – Sjokkerande og rart

Ida Andrea Breigan (19) siktar mot stjernene. Nå fryktar ho at ein ny regel kan øydelegge sporten ho elskar.

Ida Andrea Breigan

STORT TALENT: Ida Andrea Breigan har levert fleire fantastiske hopp den siste tida. 19-åringen sette nyleg norsk rekord innandørs i lengde.

Foto: PRIVAT

Ida Andrea Breigan flyg høgt – og ikkje minst langt – om dagen. 19-åringen har på kort tid etablert seg som eit av norsk friidretts store framtidshåp.

Tidlegare denne månaden sletta ho Berit Berthelsen sin 57 år gamle noregsrekord i lengde. To veker seinare forbetra Breigan sin eigen rekord til 6,58 meter.

Det er veldig gøy og stas når det er sånne ting skjer. Så det er berre å ta det med seg vidare, ha det som ei hyggeleg oppleving og bruke det vidare som motivasjon, fortel ho på videolink frå USA.

Sjå rekordhoppet her:

Breigan er frå Fredrikstad, men reiste til USA for å studere ved University of Texas at San Antonio etter vidaregåande. Stortalentet fortel om eit heilproft opplegg i regi av skolen, der alt blir lagt til rette for at ho kan følge idrettsdraumane sine.

Etter rekordhoppet blei ho påskjønt med utmerkinga «Freshman of the Year».

– Den er ganske tung, så eg var litt redd for å få overvekt på flyet heim. Det er utruleg gøy å ha denne motivasjonen ståande heime, og nå kan eg sjå på den kvar gong eg vaknar, smiler ho og viser fram trofeet.

Ida Andrea Breigan Freshman

STOLT: Breigan viser fram trofeet som bevis at ho er «Freshman of the Year».

Foto: NRK

– Øydelegg konkurransen

Akkurat i det Breigan er i ferd med å få det store gjennombrotet sitt, vurderer Det internasjonale friidrettsforbundet (World Athletics) å gjere store endringar i lengdesporten.

Sjefen i forbundet Joe Ridgeon avslørte nyleg at dei ønsker å fjerne planken i lengdehopp. Den skal bytast ut med ein «take-off zone» – eit område utøvarane må ta sats frå.

Hoppene vil da målast frå der du tar av frå til der du landar, men det vil ikkje vere same krav til å time tilløpet.

Eg synest det øydelegg konkurransen og øvinga. Det blir jo ei heilt ny øving, seier Breigan, som har jobba knallhardt for å perfeksjonere tilløpet og satsen den siste tida.

Ho får støtte av mangekjemper Sander Skotheim, som har lengde som ein del av konkurransen sin.

Eg er ikkje veldig stor fan av det. Det er ein del av sjarmen å treffe bak planken, så eg kjenner det tar bort noko, seier han til NRK.

Ida Andrea Breigan

MERK DEG NAMNET: Ida Andrea Breigan.

Foto: PRIVAT

World Athletics grunngir ønsket med at det er for mange underkjente hopp – altså at utøvarane trakkar over planken før dei satsar. Under friidrett-VM førre sommar blei éin tredel av hoppa annullert, ifølge forbundet.

– Det fungerer ikkje, det er bortkasta tid. Så vi vil teste ein «takeoff zone». Da vil kvart hopp vere gyldig, noko som aukar dramatikken i konkurransen, uttalte Ridgeon i podkasten Anything But Footy.

Sjokkerande og rart

Breigan er ikkje den einaste som stussar, for forslaget har møtt massiv motstand. Blant anna frå legendariske Carl Lewis, som lurte på om det var ein tidleg aprilsnarr.

– Lengde er ei av dei vanskelegaste øvingane i friidrett. Dette vil fjerne ei av dei vanskelegaste ferdigheitene som trengst i øvinga. Kanskje skal ein gjere basketkorga større fordi så mange bommar på straffekast? seier den tidlegare OL-meisteren sarkastisk.

Verdsmeisteren frå 2023 Ivana Spanovic stemmer i.

Ivana Spanovic

STJERNE: Ivana Spanovic er regjerande verdsmeister.

Foto: AP

– De endrar reglane utan å spørje dei som driv med sporten. De ignorerer synspunkta deira og respekterer ikkje deira meiningar, tornar serbaren.

Breigan fortel at den foreslåtte regelendringa har blitt ein stor snakkis i friidrettsmiljøet på skolen.

Satsen er noko av det viktigaste. Det at ein har øvd så mykje på det, og så skal det plutseleg ikkje telje lenger. Eg synest det var veldig sjokkerande og rart da eg først høyrde om det, fortel ho.

Den nye regelen skal gjennom ein prøveperiode denne sesongen. NRK har bede World Athletics om ein kommentar til kritikken, foreløpig utan svar.

Les også Rooth hasta til sjukehus – fekk «blackout» etter marerittskade

Andrea Rooth skade

Gode genar

Breigan vel å halde fokus på treninga. På universitetet blir ho trena av tidlegare VM-sølvvinnar Kareem Streete-Thompson.

– Det er utruleg givande å ha han som trenar. Han har så mykje å komme med og er veldig fokusert på detaljar. Eg er veldig fornøgd med at han er trenaren min, fortel 19-åringen, som blei noregsmeister både innandørs og utandørs i fjor.

Ida Andrea Breigan og Kareem Streete-Thompson

TRENAR OG ELEV: Breigan saman med trenar Streete-Thompson.

Foto: PRIVAT

Friidretten har ho fått inn frå barndommen av. Pappa Bo Breigan var i noregstoppen på 800-meter, mens mamma Mimi Storm-Hansen er tidlegare norsk meister i høgdehopp.

Gode gen, med andre ord.

– Eg kan takke dei litt for det, gliser ho.

«Skal eg orke å gå gjennom dette?

Stortalentet har vore gjennom nokre tøffe skadeperiodar dei siste åra. Eit trøyttleiksbrot og ein strekk i hamstringen plaga henne i lang tid.

– Det er noko av det tøffaste ein kan gå gjennom som utøvar, seier Breigan.

– Korleis jobba du deg tilbake frå det?

Eg var jo framleis ung da eg først blei skadd. Det var ein periode kor eg var veldig lei og tenkte «skal eg orke å gå gjennom dette?». Men det er jo augeblink som dette som gjer det verd det. Når ein får betalt for det ein har jobba for, seier den ferske rekordhaldaren.

Ida Andrea Breigan, Ibizo David-West, Kiah Dubarry-Gay, Vivienne Morgenstern

LAG: Breigan sprang også stafett med skolelaget. Her saman med Ibizo David-West, Kiah Dubarry-Gay og Vivienne Morgenstern.

Foto: PRIVAT

Breigan er 12 centimeter bak kravet til EM utandørs i juni. Men ho er framleis ung og dei store meisterskapane får komme når dei kjem, tenker ho.

Eg har det i bakhovudet, og det hadde vore utruleg gøy. Men først og fremst prøver eg å hoppe så langt eg kan og gjere det beste ut av konkurransane her i USA nå, avsluttar Noregs nye lengdestjerne.

null
Spiller nå
Det blir skikkelig «børn» når Northug skal avslutte sesongen 01:07
Neste

Siste nytt

  • Forbannet Hovland midt i fiaskorunde: – Så jævlig dårlig du er

    Viktor Hovland hadde en mildt sagt tung dag på jobb under majorturneringen The Masters fredag kveld norsk tid. Allerede på det første hullet kom en forsmak på det som var i vente, da han gikk av med en såkalt bogey. Det vil si at han brukte ett slag «for mye». På hull to ble vondt til betydelig verre, og etter banens fem første hull, lå han hele sju slag over par.

    – Den verste starten i manns minne, kommenterte Discovery-ekspert Per Haugsrud.

    – Et sjokk for systemet, supplerte kollega Henrik Bjørnstad.

    Hovland var avhengig av å pynte på scoren for å kvalifisere seg til turneringens to siste dager, men da han vartet opp med nok et skjevt utslag i sterk vind på den allerede fryktinngytende golfbanen Augusta, rant det over for 26-åringen.

    – Det er så sjukt. Det er så sjukt, ropte han i fortvilelse, før han utbrøt:

    – Så jævlig dårlig du er i golf!

    Discovery-ekspert Marius Thorp fikk med seg utbruddet:

    – Det er en reaksjon på at han ikke får til det han vil. Han vet nok godt at han ikke er jævlig dårlig i golf, sa han under kanalens studiosending.

    Avslutningen ble også et mareritt for mannen som skrev norsk idrettshistorie så sent som i august, og en dobbeltbogey på hull 15 fjernet alt håp om at han skulle klare cuten.

    Hovland hadde ikke misset en cut siden Scottish Open sommeren 2022, men nå går altså Masters-helgen uten nordmannen. Bare topp 50 får være med lørdag og søndag, og fredagens fiaskorunde sendte Hovland ned på en delt 71.-plass (runden pågår fortsatt).

    I tillegg til tidlig hjemreise, betyr resultatet ny verstenotering i en profesjonell turnering. Den forrige var en runde på 80 slag under Porsche European Open tilbake i 2018. Fasiten fredag er 81 slag, ni over par.

    Trioen i tet ligger på seks slag under par.

    Viktor Hovland, The Masters
    Foto: JAMIE SQUIRE / AFP
  • Strand Larsen-mål ikke nok for Celta Vigo

    Jørgen Strand Larsen notert seg med én scoring da Celta Vigo tapte 1-2 borte mot Real Betis i La Liga fredag kveld.

    Haldenserens scoring kom imidlertid ett minutt på overtid, og da ble det fryktelig kort tid for gjestene å snu kampen.

    Scoringen kom da nordmannen styrte inn en rakett fra Franco Cervi. Nettkjenningen var Strand LArsens 11. i ligaen denne sesongen.

    Fra før hadde Juan Miranda sendt vertene i ledelsen etter 53 minutter, før Nabil Fekir doblet en halvtime senere.

    Celta ligger på 17.-plass på La Liga-tabellen og har virkelig kniven på strupen for å unngå nedrykk. Det skiller bare tre poeng ned til Cádiz på nedrykksplass.

    Betis ligger på sin side helt oppe på 7.-plass og er for virkelig med i kampen om europaspill neste sesong. (NTB)

    Strand Larsen
    Foto: Reuters
  • Delte serien i jakt på VM-plass

    Håvard Sandstad Eidsmo (Freidig) og Eirik Langedal Breivik (NTNUI) delte seieren i sprintløpet i Halden O-meeting, den første viktige konkurransen på norsk jord i orienteringssesongen.

    Dermed har de festet grepet om to av de åtte ledige plassene til verdenscupåpningen i Sveits og Italia, konkurranser hvor det er viktig å prestere for å få en plass i troppen til VM i Skottland i sommer.

    I kvinneklassen tok Andrine Benjaminsen (Lillomarka) en klar seier.

    Håvard Sandstad Eidsmo og Eirik Langedal Breivik
    Foto: Ivar Haugen / NOF

Sendeplan

Kl. Program Kanal