Her er rykket som gir Tarjei gullhåp

På VM-stafetten fekk Tarjei Bø tilbake noko han ikkje har hatt på lenge: Superrykket som kan avgjøre ein viktig gullkamp.

Video Bø rykket fra konkurrentene

Bø rykket fra konkurrentene

– Eg har ikkje følt noko liknande sidan jaktstarten i Holmenkollen i fjor. Det var vel det siste eg hadde gjort som gav meg ein «attack über alles»-følelse, seier Tarjei Bø framfor VM-fellesstarten.

Følelsen han snakkar om kom på VM-stafetten i Ruhpolding. For Bø hadde nærast vore totalt fråverande tidlegare i meisterskapen, heilt til han plutseleg gjekk som eit udyr på tredje etappe då herrelandslaget sikra gull fredag.

– Eg følte meg som ein million ute i løypa, sa Bø etter stafetten.

– Har funne roen

At superrykket er tilbake lovar svært godt. For i dag skal den offensive stryningen for alvor kjempe om sitt første individuelle gull i årets VM.

– Det er sjeldan ein har slike dagar der ein kan angripe alt, utan å bli sliten. No har eg i tillegg ein veldig god ro. Det er ikkje noko jag mot vidare suksess. Den følelsen kjem jo som regel når ein lukkast, seier Bø, som har senka skuldrane i vissheit om at edelt metall allereie er sikra.

– Eg vil vere OK fornøgd om det ikkje blir gull på fellesstarten. Men det kriblar jo i kroppen når eg snakkar om det, legg stryningen til.

Siste sjanse

Og kriblinga er kanskje eit teikn på at 22-åringen har uante krefter han må få ut i sporet.

Sett vekk frå stafettgullet har Bø hatt eit elendig VM samanlikna med prestasjonane i fjorårets meisterskap. I dag kjem siste sjanse til å vise kva han kan på sitt beste, framfor tilskodarhavet på skiskyttarstadion i Tyskland.

– At du er i form i sporet må jo love godt....

– Det gjør jo det. Men fellesstart er kanskje den absolutte skytekonkurransen. Ein kan hente inn litt av det tapte i sporet, men det er den som skyt full på siste som vinn uansett. Det hjelper jo sjølvsagt å ha ein sterk sisterunde, gliser Bø.

Bø

Tarjei Bø har ikkje overbevist på standplass så langt i VM. På fellesstarten får han ein siste sjanse til å imponere hordane med tilskodarar som følgjer verdseliten frå skistadion.

VM-gull til Norge

Emil Hegle Svendsen trur lagkameraten kan bli farleg om han er med heilt til siste runde på fellesstarten.

Foto: JOHANNES EISELE / Afp

Svendsen: – Tarjei har gode kort på handa

Stryningens skyteform har stort sett vore fråverande under VM. Spenninga ligg i om han for ein gongs skuld klarar å levere gode og feilfrie seriar på standplass.

På stafetten blei det bare med to bom, men det vil kanskje vere ein for mykje på ein fellesstart. For favorittane står i kø om å ta det siste gullet i herreklassen.

– Eg trur at eg og Tarjei er to av fire-fem stykk som kan ta gull. Men vi to er ikkje utprega gullfavorittar. Vi har ikkje gjort det så bra her, seier ein gulltørst Emil Hegle Svendsen.

Han har også lagt merke til Bøs gryande langrennsform.

– Eg trur Tarjei har gode kort på handa om han er med til slutt, seier Svendsen.

– Skal spare krefter til sisterunden

Men trass det heftige tempoet i sporet, vil ikkje Bø rangere seg over lagkameraten når han får spørsmålet kven om som er den største favoritten av nordmennene til fellesstarten.

– Eg må vel beskjedent seie at det er Emil, sett ut frå det han har prestert i år. Han har vore jamt betre enn meg. I VM har han vore kvassare på skytinga. Han er favoritt av oss, så får vi sjå kven som er favoritt i feltet. Den fysiske formen min er på veg tilbake der den skal vere, seier Bø.

Bøs håp er å kunne vere med til siste runde. Då trur han sjølv at han har det vesle ekstra som skal til for å til slutt kunne stå øvst på pallen.

– Målet er å spare nok krefter til sisterunden, seier nordmannen.

Siste nytt

  • Birkeland satt ut av forkjølelse

    Skiskytteren Lars Helge Birkeland fra Birkenes kan gå glipp av helgens sesongstart i skiskyting på Sjusjøen i Hedmark. 31-åringen har slitt med forkjølelse og har ikke trent de siste dagene, får NRK opplyst.

    Verdenscup skiskyting i Holmenkollen 2019
    Foto: Fredrik Hagen / NTB scanpix
  • EM ryker for Island

    Tyrkias fotballandslag fikk det ene poenget de trengte mot Island, og sendte både seg selv og Frankrike til EM sommeren 2020. 0-0 holdt ikke til videre avansement for Island, som var nødt til å vinne for å ta seg direkte videre til Europamesterskapet.

    Euro 2020 Qualifier - Group H - Turkey v Iceland
    Foto: Murad Sezer / Reuters
  • Christiansen med ny nordisk rekord

    I dag startet NM i kortbanesvømming i Stavanger. Henrik Christiansen ble norgesmester og satte ny nordisk rekord på 800 meter fri på tida 7.33.28. Tomoe Zenimoto Hvas vant 50 meter butterfly og ble første nordmann under 23 sekunder på tida 22.90. Malene Rypestøl satte ny norsk rekord på tida 4.09.97 da hun ble norgesmester på kvinnenes 400 meter fri.

    SIM-VM 2019
    Foto: Jessica Gow/TT / NTB scanpix

Sendeplan

Kl. Program Kanal